أفكار لمفاجأة زوجك فى ليالى الاجازات

أفكار لمفاجأة زوجك فى ليالى الاجازات

مع المواسم والاعياد ممكن انك تحبى تفاجئى جوزك وعيلتك الصغيره وتفرحيهم ولو حتى بحاجات بسيطه ودى هيا الافكار :

زينى البيت :
بصى سواء كان واحد من الاعياد الدينيه او بداية سنه جديده او شم النسيم او عيد الحب ، مفيش داعى ابدا تشترى حاجات غاليه لانك تقدرى تفننى فى ابتكار الزينه البسيطه وعلى أد ميزانيتك وتحطى شوية بالونات ملونه وورد فى كل مكان واللى بتدى حيويه وبهجه فى البيت.

حضرى غدا او عشا مميز :
خلى دايما اوقات الاجازات مميزه ولو كنتى مش لاقيه وقت تعملى أكلات مميزه فى الايام العاديه يبقا استغلى المواسم واعملى اطباق مميزه لعيلتك الصغيره.

خلى بالك من تفاصيل تقديم الاطباق :
زينى الاطباق وقدمى الاكل بطريقه مميزه ولو كنتى موهوبه فى الرسم والتلوين يبقا تقدرى ترسمى بطاقات رقيقه معبره عن المناسبه وتحطيها على التربيزه وممكن تطبعيها من على الانترنت.

شغلى الاغانى المرتبطه بالمناسبه :
خاصة الاغانى القديمه اللى ليكوا ذكريات معاها كتير ، هتتمتعوا سوا بيها وحتى الاولاد هتعجبهم اوى.

اصنعى تقاليد عائليه مميزه :
لطيف يكون فى تقاليد مميزه للمناسبات والمواسم المختلفه تخص كل عيله ، وجميل كمان انك تصنعى تقاليدك العائليه الخاصه اللى هيفتكرها جوزك وولادك دايما.

اشترى هديه بسيطه :
اشترى هديه بسيطه خاصه بالمناسبه او حاجه عارفه ان جوزك محتاجها وقدميها ليه او حتى كارت بسيط مكتوب عليه مشاعرك الرقيقه.

صورى عيلتك :
صوريهم واطبعيها واصنعوا مع بعض ذكريات طيبه وجميله.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

سنه أولى جواز مابين الرومانسيه والمشكلات الزوجيه

سنه أولى جواز مابين الرومانسيه والمشكلات الزوجيه أول سنه فى الجواز بتكون حجر الاساس لبناء …