اسباب التهاب المرئ الارتدادى والعلاج

اسباب التهاب المرئ الارتدادى والعلاج

السبب الرئيسى لمرض التهاب المريء الارتدادي هو رجوع الأكل اللى مش مهضوم أو شبه المهضوم من المعدة مع أحماض المعدة المختلفة إلى الأعلى ودخوله منطقة المريء بسبب كسل في الصمام بين المريء والمعدة.

رجوع الكتله الغذائيه لمنطقة المرئ واللى فيها من احماض وعصارات معويه بيدى الاحساس بحرقة المعده وحموضه وممكن كمان يوصل لخروج بعض الاكل من الفم وخصوصا لما يضطر المريض للأنحناء او يشيل اى حاجه من على الارض او بيشتغل فى جنينة بيته.

وممكن يكون المريض ده عنده تشوه خلقى وممكن يكون سببه كتر الاكل والسمنه الزياده وعلشان يرتاح من اللى بيشكى منه المريض لازم يطبق التعليمات دى :

1_ تخفيف الوزن وده هيحصل بتقليل كمية الاكل اليومى مع زيادة الحركه وتناول وجبات خفيفه مفيهاش حاجات مقليه على اد ماتقدر.

2_ عدم اللجوء للهضم الصناعى القصرى وده هيحصل باستعمال الميه الغازيه وعدم ممارسة اى نشاط رياضى قبل مايمر ساعتين على الاقل على تناول اخر وجبه.

3_ ممكن بعض الاكلات والمشروبات تسبب الاصابه بالحموضه والحرقه وزيادة رجوع محتويات المعده للمرئ وفى الحاله دى اتجنب أكل الحاجه دى اللى بتسبب ليك ده والحاجات المعروفه لحد دلوقتى وبتسبب ده هي التدخين والدهنيات والمقالى والقهوه والشاى بانواعه والشكولاته والنعناع وعصير البرتقال واللمون والكحول والبهارات والطماطم والمشروبات الغازيه.

4_ فى بعض العلاجات زى مضادات الكولين وحاصرات الكالسيوم وموسعات القصبات الهوائيه ، ممكن تساعد على زيادة رجوع محتويات المعده للمرئ وفى الحاله دى ياريت تستشير الدكتور قبل استعمال الادويه دى.

5_ لازم استعمال اكتر من مخده لما تيجى تنام ويكون مستوى الضهر والراس أعلى من مستوى البطن.

6_ متمليش المعده اوى وقت الاكل وانقص كمية الاكل عشان تساعد المعده اثناء عملية الهضم على استيعاب الاكل اللى جواها وقت حركتها ومترجعوش لمنطقة المرئ وكمان متملاش المعده بالسوايل وانت بتاكل او بعد الاكل على طول.

7_ بلاش تنام على ضهرك او النوم على طول بعد الاكل لحد 3 ساعات وتستنى قاعد او واقف وتتحرك بعد الاكل ولو كان لازم اوى يعنى تنام يبقا لازم يكون مستوى الضهر والراس اعلى من مستوى البطن.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اسباب رفة العين وعلاجها

اسباب رفة العين وعلاجها بيعانى كتير من الناس من رفة العين أو تشنج العين أو …