مخاطر الحقائب المدرسيه على أجسام الطلاب

مخاطر الحقائب المدرسيه على أجسام الطلاب

غالبا بتكون شنط المدرسه بتاعة الطلاب مليانه كتب وكراسات وحاجات تانيه ، واللى بيكون وزنها تقيل واللى بيسبب معاناة الاطفال بسبب شيلهم للشنط دى وده بينعكس بالسلب على جسمهم النحيل.
الصغيرين دول مش فاهمين اللى بتخبيه الشنطه دى من مخاطر واللى بتسببله الام ويفضل يشتكى الطفل والكبار عاجزين انهم يلاقوا تفسير لده.
بيشتكى بعض الاطفال من وجع فى الراس وصداع وغالبا الاهل بيكونوا مش عارفين السبب وان الشنطه التقيله دى هيا السبب ، غالبا بيشيل الطفل تقريبا تلت وزنه من الكتب والكراسات فى الشنطه وساعات كمان بيوصل الحمل لنص وزنه وبالذات فى اول السنه لانه بيكون فرحان بكتبه وكرساته الجديده وعايز ياخدهم كلهم معاه .
الوزن الكبير ده بيشكل مخاطر كبيره على استقامة عموده الفقرى ومننساش كمان قعاد الطفل ساعات طويله واللى بيخفف من لياقته البدنيه.
وكمان الشنط اللى بكتف واحد وبيشيلها كل يوم كفيله انها تسبب اضرار جامده فى العمود الفقرى والام مزمنه وكمان شيل الشنط لفتره طويله بيسبب انزلاقات غضروفيه او يحصل وسائد مليانه بالميه بين عظام الفقرات اللى بيسبب فى المستقبل للأصابه بترقق العظام.
ده غير ان الشنط المدرسيه التقيله بتسبب تغييرات جسديه سلبيه واصابات زى تقوس ضهر الطفل بسبب خلل فى العمود الفقرى او تخلى العضلات تشتغل بشكل اكتر قسوه واللى بيسبب اصابتها بالتوتر والاجهاد .
لازم نخلى بالنا يجماعه واحنا بنشترى الشنط كمان انها متكنش اصلا تقيله ويرجع تانى يملاها كتب وتكون اتقل واتقل ونبعد عن الشنط اللى بكتف واحد وكمان بنعد عن الشنط اللى بعجل لو هيشيلها ساعات الطفل على ضهره لانها بتكون تقيله جدا.

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

لأم البنات .. 20 فكره للأستمتاع معهم

لأم البنات .. 20 فكره للأستمتاع معهم يا بنات يا بنات يا بنات اللي مخلفش …