أسباب حصى الكلى ووصفات طبيعيه للوقايه والعلاج

أسباب حصى الكلى ووصفات طبيعيه للوقايه والعلاج

تعتبر الكلى واحده من اهم الاجهزه فى الجسم وبتساعد على التخلص من السموم والشوائب لتنقية الدم ولما بتتشكل الحصى فيها بتبقا مش قادره ولو جزئيا على التخلص من السموم دى والفضلات وبتسبب الام شديده زى وجع الولاده وممكن تتشكل الحصوات دى فى الحالب او المراره ودى من الامراض اللى غالبا بتكتر فى فصل الشتا بسبب قلة نشاط الانسان وقلة شربه للميه وكتر اكل المسكرات والحمضيات الغنيه بفيتامين C لان ثبت ان كتر اكلها بيسبب اكيد ترسبات فى الكلى والحالب البولى

الحصاوى بتاخد فى الكلى اشكال كتير ومن اشهرها اللى بتتكون من الكالسيوم ومن الاوكسالات ومن بلورات حامض اليوريك اللى بتسبب مرض النقرس وماادراك مامرض النقرس وان الكميات الكبيره من الكالسيوم والاكسالات فى الطعام هى اللى بتخلينا اكتر استعداد لتكوين الحصوات فى الكلى
وعشان نتجنب ونمنع تكوين الحصوات دى والموضوع يزيد خصوصا لو كنت بتعانى اصلا من الحاله دى هنصحك بده ..

خفف على قد ماتقدر من أكل السبانخ وجميع الورقيات زى الملوخيه والبقدونس وورق العنب وغيره وكمان الفراوله والشاى والمكسرات والشكولاته وخصوصا الدارك منها وكمان الحمضيات بانواعها والشمندر ، وقلل على قد ماتقدر من المشروبات الغازيه ومشروبات الطاقه.

ودى مكملات غذائية ممكن تفيد في الوقاية من الإصابة بحصى الكلى والتخلص منها:
البوتاسيوم 100 ملغم مرتين يوميا بيساعد على الوقاية من تكوين الحصا
المغنيسيوم بيساعد كتير على التخلص من الترسبات والحصا الصغيرة قبل ماتتشكل مشكله 500 ملغم يوميا
فيتامين B6 متستغربش من كونه فيتامين لكن الدراسات أثبتت انه ممكن أنه يساعد على القضاء على الحصاة ، 50 ملغم يوميا.
وأخيرا عليك بالميه ثم الميه ثم الميه فهيا الأرخص والأسهل لغسيل الكلى تناول حوالي لترين من الميه على الأقل وعلى فترات يوميا أو حتى يكون لون البول تماما زى لون الميه اللى بتشربها.

علاجات طبيعيه

يخلط بنسب متساوية عصير اللمون مع زيت الزيتون وخل التفاح وتشرب معلقة كبيره بعد إضافتها على كوباية ميه كبيره وتقلبها كويس و كل شويه تشرب منها يوميا، ووجد ان غمر الجزء السفلي من الجسم بميه سخنه وعمل مساج لمنطقة العانة وجانبي الضهر ممكن يساعد كتير في تفتيت وطرد الحصى من الكلى .

طبعا الوصفات دى مش رخصه لعدم مراجعة الطبيب اذا تفاقمت الأمور وممكن استعمالها جنبا الى جنب مع توصيات الطبيب ووصفته الدوائية

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …