فوائد مختلفه لعصير الجزر

فوائد مختلفه لعصير الجزر

الجزر بيقوى النظر ….
قالولنا كده من زمان بس ياترى فعلا الكلام ده صح ولا لأ

بعد البحث لقينا ان الجزر ملهوش دور مباشر فى تقوية النظر لكنه بيحتوي على فيتامين “أ”، اللى اثبتت احدى الدراسات ان نقصه ممكن يسبب ضعف الابصار يبقا الجزر وقايه من ضعف الابصار بسبب نقص فيتامين أ وكتر أكل الجزر مش بيسبب زيادة قوة النظر.

بس ده ميمنعش انك دايما تخلى ولادك يشربوا عصير الجزر كل يوم زى ماكان امهاتنا بينصحونا واحنا صغيرين لفوايدده الكتير اللى هقولكوا عليها دلوقتى :

اول سؤال هتسأله لنفسك ليه أشرب عصير الجزر وانا ممكن أكل جزره أو جزرتين كل يوم ؟؟
الحقيقه ان كوبايه واحده من عصير الجزر فيها ميقلش عن اربع جزرات واللى بيخليه وجبه صحيه رائعه وغنيه بالفيتامينات والمعادن الضروريه لصحة الانسان.

غني بمضادات الأكسدة :

يحتوي الجزر على الكاروتينات، اللي بتعمل كمضادات أكسدة طبيعية، فبتساعد على إزالة السموم من الجسم وعلى الوقاية من أمراض القلب والشرايين.
اهتم بشرب كوبايه من عصير الجزر ضمن نظامك الغذائي اليومي لصحة جسمك وحيويته.

الوقاية من السرطان :

بعد إتمام عملية الهضم بتفضل الجزيئات من النفايات، اللي بتعمل على تلف الخلايا عند تراكمها بكميات كبيرة، بينما أثبتت الدراسات أن شرب كوبايه من عصير الجزر يوميًا بيساعد على تنقية الجسم من النفايات المتبقية بعد عملية الهضم نظرًا للى بيحتويه على كميات عالية من مضادات الأكسدة، وبالتالي بتقل احتمالات تلف الخلايا وتطور الخلايا السرطانية بالجسم.

لبشرة أكتر إشراقًا :

يحتوي الجزر على عدة فيتامينات ومعادن ضرورية زى فيتامين “أ” وفيتامين سي وفيتامين “ب 6” والبوتاسيوم، اللى بيساهم في منع تدهور الخلايا، وبالتالي الحفاظ على صحة الجلد وشبابه.
بتساعد العناصر دى على حماية البشرة ضد الجفاف وتحسين لون البشرة وإزالة البقع والندبات، عشان كده بيدخل الجزر كتير في تكوين المركبات التجميلية للبشرة.

الحفاظ على نسبة الكوليسترول في الدم :

بيعمل عصير الجزر بمثابة معجزة في الحفاظ على نسبة الكوليسترول ومستويات السكر في الدم، وبيديك كوبايه من عصير الجزر كمية مركزة من الفيتامينات والمعادن، بالإضافة إلى أنه قليل السعرات الحرارية، واللى بيخليه مثالى للمساعدة على فقد الوزن وحرق الدهون الزائدة بالجسم.

تقوية المناعة :

بيساعد عصير الجزر على حماية الجسم من البكتيريا الضارة والالتهابات والفيروسات، نظرًا لاحتوائه على كميات كبيرة من الفيتامينات المختلفة اللي بتعمل على تعزيز الجهاز المناعي وقدرته على مقاومة الأمراض، بالإضافة إلى تقوية الجهاز العصبي وتحسين وظائف المخ.

الوقاية من أمراض القلب والشرايين :

من المعروف أن تناول غذاء صحي بيأثر بشكل مباشر على صحة القلب وسلامة الأوعية الدمويةعشان كده بينصح أطباء القلب باتباع نظام غذائي صحي غني بالألياف ومضادات الأكسدة، يبقا عصير الجزر يعتبرعنصر مثالي تدخله في نظامك الغذائي اليوميعشان مليان كميات كبيرة من مضادات الأكسدة الطبيعية اللي بتحافظ على سلامة قلبك ودورتك الدموية.

يمكنكِ إضافة كمية من عصير البرتقال الطازه على عصير الجزر عشان يديه طعم مختلف وشهي ويزيد من قيمته الغذائية.

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

ماهو العقل الثانى للانسان؟

ماهو العقل الثانى للانسان؟ هل تعلم .. يعتبر البطن هو العقل الثانى للانسان لتواجد كميه …