ماذا يحدث للجنين عندما تبكى الأم ؟

ماذا يحدث للجنين عندما تبكى الأم ؟

تعرفى ان الجنين بيتقاسم مشاعرك معاكى ؟؟
اظهرت الابحاث ان فى اسرار بتتقاسمها الام والجنين وحدهم خلال شهور الحمل التسعه وبيتكون وسيلة اتصال من بداية الحمل وبيتشارك الاتنين الأفكار اللى بيتبادلوها من غير ماتعرف الام بده

وبتزيد قوة الاتصال كل ماقرب ميعاد الولاده عشان كده مشاعرك اللى بتحسى بيها وافكارك وحبك وكل الحاجات دى بتوصل للجنين بصوره طبيعيه جدا وبتأثر فيه بشكل كبير واثبتت بعض الدراسات ان الجنين بيعيط لانهم لاحظوا ان شفايفه بتترعش زى مابيحصل للرضيع لما بيعيط لما تكونى فى حاله مزاجيه سيئه.

طيب ازاى تقوى علاقتك بجنينك ؟؟

التواصل مع جنينك ممكن يكون موضوع سهل وتقدرى تشتغلى على ده لمدة دقايق كل يوم وهعرفك شوية افكار تستفيدى منها :

1_ اتكلمى مع جنينك وكلميه عن يومك واللى بيحصل معاكى ولو كنتى بتسوقى العربيه عرفيه انتى رايحه فين وهتعملى ايه فى يومك وكلميه عن الاكل اللى بتاكليه وفكرى فيه كأقرب صديق ليكى وعرفيه اسرارك اللى مخبياها عن الناس كلها.

2_ اقفلى عينيكى واحلمى بطفلك كل يوم وتخلى نفسك وانتى شايلاه بعد الولاده ممكن يكون ده غريب بالنسبه ليكى لكن المشاعر دى اللى هتتولد عندك فى اللحظات دى هتساعدك كتير بعد الولاده.

3_ شغلى موسيقى ناعمه واغانيكى اللى بتحبيها كل يوم وكمان غنى ليه الاغانى دى والاغانى دى هتتعلق بذاكرته طول العمر

4_ حطى حواليكى صور الاشعه بتاعة جنينك

5_ المسى ودلكى بطنك كل يوم

6_ حاولي الشعور بالفرحة كل يوم، اضحكي وابتسمي واسعدي بكونكِ حامل، هذه المشاعر الإيجابية كلها ستصل لجنينكِ.

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

لأم البنات .. 20 فكره للأستمتاع معهم

لأم البنات .. 20 فكره للأستمتاع معهم يا بنات يا بنات يا بنات اللي مخلفش …