اسباب رفة العين وعلاجها

اسباب رفة العين وعلاجها

بيعانى كتير من الناس من رفة العين أو تشنج العين أو رجفان العين أو الجفن أو نفضان العين أو البربشه زى مابيقولوا عليها احيانا ، واللى بتسبب ازعاج كبير للأنسان ورفة العين حركه لااردايه صعب التحكم فيها وممكن يتعرض بعض الاشخاص لرفة العين انما ناس تانيه نادر انهم يتصابوا بيها وممكن ميعرفوهاش ابدا حتى.

وفى اسباب كتير لرفة العين وهيا احيانا بتكون بهدف اطلاق شحنات الاجهاد اللى بتأثر على عينك وممكن يكون بسبب ضغوطات نفسيه.

علاج رفة العين :

لعلاج رفة العين لازم ننتبه للحاجات المسببه للرفه ونعرف كمان المواقف والاوضاع اللى بتهدى العين أو بتضاعف مشاكلها ، وايه هيا الحاجات اللى بتخليك تحس بالقلق ؟ ومفيش شك بانك اول ماتعرف الاسباب اللى بتخلى عينك ترف هتعرف وقتها اللى هتقدر تعمله عشان تتخلص منها ، ومن الاسباب الكويسه لعلاج رفة العين اللااراديه هوه انك تعمل تدريبات تنفس أو التأمل الواعى لمدة 10 دقايق الصبح و10 دقايق بليل ، كل ده بيخليك تكتشف القوى اللى بتأثر عليك من غير ماتحس وتخليك تتعلم ازاى تقدر تتعامل مع التوتر.

وكمان تقدر تستخدم كمادات بارده من الميه لعلاج رفة العين لان الميه البارده بتعمل على تقليص شرايين الدم وسحب الدم بعيد عن العضلات حولين العين وتخفيف حدة رفة العين ، ولكن ابعد عن استخدام الكمادات الدافيه لانها هتخلى الدم يكتر فى العضلات واللى هيسبب زيادة الحاله ، وفى حالة استمرار الرفه لايام هتحس بتنميل فى بشرة وشك وممكن تلاحظ بؤبؤ العين مبقاش بنفس الحجم ويفضل مراجعة دكتور العيون بأسرع وقت .

وممكن يكون السبب لرفة العين عدم التوازن فى العلاقه مابين الكبد والمراره ممكن انه يأثر على الجسم كله واللى ممكن يسبب فى رفة العين ، وعشان تتجنب الاصابه برفة العين عليك بالنوم والراحه التامه مع شرب كميات كبيره من الميه عشان ده بيساعد على الحفاظ على صحة الكبد ولازم تبعد عن الأكل قبل النوم لأن كبدك مش بيشتغل وقت النوم ويفضل دايما انك تقلل اى مواد فيها كافيين .

وفى حالة رفة العين المزمنه بيعالج خبراء الابر الصينيه حالة رفة العين باستهداف النقطه ديو 20 الموجوده فى قمة الرأس واللى بيساعد على التوازن وممكن تتحط الابر بين الصوباعين الكبار فى الرجل واللى جنبهم من صوابع النقطه التالته اللى ليها صله بالكبد واللى بين السبابتين والابهامين فى الايدين واللى ليهم صله جامده بالامعاء .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أمراض الكلى والصيام فى رمضان

أمراض الكلى والصيام فى رمضان على مريض الكلى في رمضان مراعاة حالته الصحية واستشارة الطبيب …