مرضى السكر وتناول الخل

مرضى السكر وتناول الخل

النهارده هنتكلم عن الخل سواء الخل الابيض او خل التفاح وفوايده لمرضى السكر ويارب يشفى جميع المرضى …

تناول الخل السايل أو النقط أو الكبسولات من الصيدليه لوحده او مع السلطات والاكل بيساعد على تباطئ عملية تحويل النشويات فى الجسم الى سكر وده بيرجع لارتفاع الحموضه فى الخل والارتفاع ده بيلعب دور مهم فى ابطاء عمل انزيم الامايليز اللى بدوره بيحول نشويات الاكل لسكر فى الجسم .

والانزيم ده بيزود انتاج وتوفير الانسولين من خلايا البنكرياس فى الدم واللى بيزود دخول السكر فى الدم لخلايا الكبد والعضلات عشان يتم هناك تصنيع الطاقه أو وقود الجسم عشان يقوم بوظايفه الحيويه اليوميه المختلفه .

لازم وضرورى اوى تناول الخل فى بداية الوجبه أو قبلها بشويه صغيره مع كوباية ميه بارده أو ممكن نضيفه للسلطه واللحوم والاسماك والفراخ .

الجرعه المطلوبه حوالى 5 ميلى لتر أو معلقه صغيره من الخل السايل أو عشرين نقطه مع كوباية ميه بارده أو حباية خل من الصيدليه قبل الاكل طبعا .

ملاحظه : متستعملوش الخل لو كنتوا بتعانوا من الحموضه الزياده فى المعده أو من قرحة الجهاز الهضمى وكمان ممنوع للحوامل والمرضعات .
ومتستعملوش الا الخل الاصلى للأغراض الطبيه واللى معروف انه مش صافى لانه بيكون مجرد حامض الخليك 5% وملوش اى فايده طبيه .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

خدع سهله لعلاج ألم الرقبه والكتف والظهر

خدع سهله لعلاج ألم الرقبه والكتف والظهر اتضح ان فى نقاط ضغط مشتركه ومناطق التوتر …