أسباب شعورك بالكسل

أسباب شعورك بالكسل

بتعانى من الكسل بشكل مستمر وبتحس انك مش قادر على التفكير أو مش قادر تشتغل ؟ طيب عملت الفحوصات الطبيه عشان تتأكد من أنك مش بتعانى من مشاكل وأضطرابات صحيه بتسببلك الحاله دى ؟ .. فى جميع الأحوال .. متخفش .. ودلوقتى هقولك على أسباب مش متوقعه بتسبب احساسك بالكسل والخمول وممكن تكون حالتك مشابهه وتتعرف عليها …

1_ خلى بالك ان من الاسباب الشائعه هي عدم شرب الميه عشان كده اشرب ليترين ميه على الأقل طول اليوم .

2_ مرض السكر سبب مباشر فى الاحساس بالكسل لانه لما بيرتفع مستويات السكر فى دمك ومبيقدرش جسمك يستفيد منها ومبيحولهاش لطاقه فهتتصاب بالخمول والكسل .

3_ الانيميا أو فقر الدم مرض بيتطور بسبب ان الدم مش قادر ينتج كرات الدم الحمرا الكافيه اللى بتحمل الهيموجلوبين الازم لنقل المواد الغذائيه والأكسجين بين خلايا الجسم واللى بينتج عنه شعور الانسان بالتعب أو حالات اغماء وعدم القدره على التركيز .

4_ الوجبات التقيله الغنيه بالدهون والسكريات بتساهم فى استنفاذ كميه كبيره من الطاقه عشان كده يفضل تناول أكل خفيف وصحى ومضغه كويس .

5_ ينصح بممارسة الرياضه فى فترة الصبح وتجنب الرياضه قبل النوم على طول لأنه بيرفع مستوى الأدرينالين ومعدلات التنفس وضربات القلب وده اللى بيخليك مش قادر تنام .

6_ الاكتئاب بيسبب الشعور بالاعياء مع ضعف الحافز فى الحياه .

7_ فيتامين ب 12 بيساهم فى حمل الأكسجين عبر الجسم كله ومهم جدا لتعزيز مستويات الطاقه والنشاط فى الجسم فلو كنت بتعانى من نقص النوع ده من الفيتامين أطلب المساعده من الدكتور بتاعك .

8_ نقص معدلات افراز هرمون النشاط من الغده الدرقيه بيساهم فى الشعور بالخمول والاعياء .

9_ اضطرابات النوم بيساهم على المدى البعيد فى الشعور باستنفاذ الطاقه وبالتالى بالتعب والكسل .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصائح لتجنب العصبيه فى رمضان

نصائح لتجنب العصبيه فى رمضان كتير مننا بتتملكه العصبيه وقت الصيام فى رمضان واللى بيخليهم …