٧ وصفات سحريه تساعد على زيادة التركيز

٧ وصفات سحريه تساعد على زيادة التركيز

بم اننا دخلنا فى موسم الامتحانات وكل الطلبه محتاجين وصفات سحريه عشان زيادة التركيز والذكاء وخصوصا انها مفيده فى فترة الامتحانات هقدملكوا الوصفات دى :

١_ زيت عشبة الروزمارى :

ضيفوه يوميا للأكل لأنه بيعزز كفاءة خلايا المخ والمواظبه عليه بتحسن الذاكره والتركيز بنسبة ٤٠٪ .

٢_ اللبن الدافى والزعفران والعسل :

من أهم الوصفات التقليديه فى شمال افريقيا واللى بتساعد على زيادة التركيز وتنمى الذكاء والتذكر .

٣_ عصير الجذر والأنانس :

الجذر بيقوى الذاكره لأنه بينشط عملية التمثيل العضوى فى المخ وبيساعد على الحفظ ، والأنانس فيه انزيمات بتساعد على زيادة التركيز وبينمى الذكاء وبيزود قوة التذكر والاستيعاب .

٤_ الأفوكادو :

ممكن تاكل نص ثمرة افوكادو قبل الامتحان لأن احماضه الدهنيه بتساعد على زيادة التركيز وتنمى الذكاء وبتزود قوة التذكر والاستيعاب .

٥_الكرنب والليمون :

ينطبخ الكرنب على البخار ويتعصر عليه لمون لأن الكرنب مهدئ رائع للأعصاب وبيقلل التوتر واللمون بيزود القدره على الاستيعاب بسبب كمية فيتامين سي الموجوده فيه .

٦_ المكسرات :

اللوز والجوز والفستق والسودانى فيهم زيوت بتقوى الأعصاب وبتزود الأنتباه عن طريق تنشيط الموصلات العصبيه الضروريه للحصول على المعلومات .

٧_ الجنزبيل والكمون :

معلقة جنزبيل ومعلقتين كمون ومعلقة كبيره عسل ، بيحفزوا المخ على التفكير وبيساعدوا فى تخفيف الدم ويتدفق بسهوله للمخ .

وتمنياتى بالتوفيق والنجاح للجميع .

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصائح لتجنب العصبيه فى رمضان

نصائح لتجنب العصبيه فى رمضان كتير مننا بتتملكه العصبيه وقت الصيام فى رمضان واللى بيخليهم …