4 علاجات طبيعيه للنمش

4 علاجات طبيعيه للنمش

النمش عباره عن بقع صغيره لونها بنى ، فى العادى بتظهر فى نص الوش أو الايدين أو الكتفين وممكن تكتر بسبب التعرض للشمس أو بسبب بعض العوامل الوراثيه ، مع ان فى علاجات منزليه اللى بتساعد فى التخلص من النمش الا ان فى علاجات غريبه اللى ممكن تكونى مسمعتيش عنها قبل كده !

هقدملك أغرب 4 علاجات منزليه طبيعيه هتخلصك من النمش :

1_ البابايا : تحتوى البابايا على غرا ، وهوه نوع من أنواع الانزيمات اللى بتساعد فى تخفيف النمش ، كل اللى عليكى تعمليه هوه انك تحطى البابايا الطازه على بشرتك بواسطة قطنه نضيفه على أماكن النمش مع التدليك بلطف وسيبيه 10 دقايق وبعدين أشطفى بشرتك بالميه البارده وكرريها مره كل أسبوع على الأقل .

2_ البصل الأحمر : يحتوى البصل على عناصر الكبريت اللى بتساعد على تقشير البشره وازالة النمش ، استفيدى من فوايد البصل وقطعيه شرايح سميكه وأفركى البشره بيها كويس واستخدمى شرايح البصل مرتين يوميا لحد مايختفى النمش ، وكمان تقدرى تحطى عصير البصل على معلقة خل وحطيها على بشرتك ربع ساعه وبعدين اشطفيها بالميه وكرريها كل يوم وهتلاقى نتايج رائعه ، لان البصل من مكونات الطبيعه عالية الفعاليه .

3_ زيت الخروع : علاج طبيعى للنمش وكمان بيدى البشره نضاره واشراق ، اهتمى اول ماتيجى تنامى تحطى زيت الخروع على أماكن الجلد المصابه بالنمش والصبح قومى اشطفيه بالميه .

4_ الفجل : من العناصر الغنيه بفيتامين C ومضادات الأكسده عشان كده هوه روعه للتخلص من البقع والنمش بشكل طبيعى ، كل اللى عليكى تعمليه هو اضافة معلقه من جدور الفجل على كوباية لبن سخن وسيبيه يبرد وبعد كده حطيه على بشرتك والاماكن المصابه بالنمش لمدة ربع ساعه وبعدين اغسليها بالميه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 حلول لتخفيف الام الثديين خلال الرضاعه

10 حلول لتخفيف الام الثديين خلال الرضاعه من أهم التوصيات اللي بتتقدم للأم الحامل فى …