التونه بين الفوائد والاضرار

التونه بين الفوائد والاضرار

بتحتوى عائلة أسماك التونه على مجموعه متنوعه من الاسماك اللى بقت واحده من الاكتر قى القيمه والرغبه بسبب طعمها اللذيذ ومكوناتها الصحيه ، لكن كترها ممكن يكون ضرر .

غنيه بالفيتامينات والمعادن :
اسماك التونه ليها فوايد صحيه كتيره من فيتامينات ومعادن ومواد غذائيه ومركبات عضويه تانيه موجوده فيها ، والمواد دى بتكون مضاده للأكسده وبروتين وكمان مستويات عاليه من السيلينيوم وكميات كويسه من الفسفور والحديد والمغنسيوم والبوتاسيوم ، ده غير كمان بعض الفيتامينات زى فيتامين B12 والنياسين وفيتامين B6 والريبوفلافين .

صحة القلب والتونه :
يحتوى سمك التونه على كميات كبيره من أحماض أوميجا 3 ومعادن كتير مفيده واللى بيخليها بتساهم فى الحفاظ على صحة القلب والاوعيه الدمويه وانخفاض ضغط الدم ومستويات الكوليسترول .

الحفاظ على الوزن :
بتتميز أسماك التونه بأنها منخفضة السعرات الحراريه والدهون ولكنها بتحتوى على العديد من المغذيات المفيده والبروتين ، ده غير كمان الاحماض الدهنيه أوميجا 3 الموجوده فى التونه واللى بتحفز هرمون أسمه اللبتين اللى بيوازن تناول الطعام فى الجسم وده ممكن يقلل من الافراط فى تناول الأكل والتأكد من ان جسمك بيستهلك اللى بيحتاجه بس .

الاكتئاب :
ممكن نعتبر أن تناول الاسماك ومن بينها سمك التونه وسيله كويسه لعلاج الاكتئاب ، وفى نتايج دراسه ان استهلاك الاسماك ممكن يكون مفيد للصحه النفسيه للست وبيقلل من خطر اصابة الستات بالاكتئاب .

الحد من التونه للحوامل :
يفضل نقلل من تناول سمك التونه فى فترة الحمل ، ومبننصحش تجاوز أكلها مرتين فى الاسبوع لأنها ممكن تكون مصدر للزئبق اللى يعتبر عنصر مضر للجنين وبيأثر بشكل سلبى على تطور جهازه العصبى وكمان احتمالية تكون بتحتوى على بعض الملوثات زى الديوكسين أو ثنائى الفينيل متعدد الكلور .

التسمم بالزئبق :
تحتوى العديد من الاسماك على مستويات صغيره من ميثيل الزئبق ولما بتتاكل بكميات صغيره مش بتضر ، ومع ذلك ممكن يحصل التسمم بالزئبق بكميات أكبر وهوه موضوع معقد وخطير ، عشان كده لازم نحدد كميات سمك التونه اللى بناكلها عشان تجنب الخطر من تناول التونه بشكل كبير وهو خطر التسمم بالزئبق .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …