اضرار استخدام المنشطات والهرمونات للرياضيين

اضرار استخدام المنشطات والهرمونات للرياضيين

رياضيين كتير ومحبى كمال الأجسام بيلجأو لاستخدام بعض أنواع المنشطات والهرمونات لبناء عضلات اجسامهم ، ومراكز بناء الاجسام واللياقه البدنيه بيرجوا كتير للمنشطات دى لانهم بيبعوها بأسعار مرتفعه لكن كتير من اللى بيستخدموا المواد دى ميعرفوش أضرارها الفادحه والكبيره على صحتهم .

اللى بيغرى رياضيين كتير واللى هوايتهم بناء الاجسام على تناول المنشطات والهرمونات دى رغبتهم فى بناء عضلات أجسامهم وزيادة قوتهم بشكل سريع لانهم بيتباهوا بده قدام الناس بأن عضلاتهم بقت منفوخه وقويه وانهم بيملكوا قوه جسديه هايله لكن التمن ممكن يكون كبير وفادح لأن اتبين ان بعضها ممكن يسبب متاعب صحيه خطيره وممكن يسبب تناول المنشطات والهرمونات دى موت مفاجئ .

وبين المتخصصين فى المجال ده ان تناول المنشطات والهرمونات ممكن يسبب الاصابه بالتشوهات الفسيولوجيه والعقم وبعض المشاكل العقليه وتشتيت التركيز والقلق والاكتئاب والعدوانيه ، وانه تم التأكد من حدوث عدد من حالات الموت المفاجئ لدى الرياضيين اللى اتبين انهم اتعاطوا منشطات وهرمونات .

اللى بيزود المشكله الخطيره دى هو ان بعض المدربين فى بعض النوادى الرياضيه وخصوصا نوادى بناء الاجسام بيروجوا للمواد الخطيره دى واللى بيخلى الشباب يجروا عليها من غير فهم عواقبها الكبيره على صحتهم وعلى اجسامهم .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

طرق الحفاظ على العضلات

طرق الحفاظ على العضلات الوجبات الغنيه بالبروتين سواء كان من مصادر حيوانيه أو نباتيه بتساعد …