نصائح بسيطه للتغلب على الخوف من الامتحانات

نصائح بسيطه للتغلب على الخوف من الامتحانات

بما اننا فى موسم الامتحانات بتظهر مشكلة القلق والخوف من الامتحان عند بعض التلاميذ والطلبه اللى غالبا بتدور فى دماغهم سيناريوهات كارثيه لمسار الامتحان خصوصا بقا فى الثانويه عشان بيرتبط نجاحهم بمسار حياتهم المهنيه فى المستقبل .

أعراض الخوف من الامتحان بتظهر مثلا فى مشاعر زى نوبات خوف شديده أو غضب أو يأس أو حزن شديد ، وممكن تظهر كمان فى أفكار أو سلوكيات معينه أو فى أعراض اجهاد جسدى زى القلق أو فرط النشاط ، وده بيتسبب فى صعوبة المذاكره لأن بسبب المعاناه من الاعراض دى مش بيعرفوا يناموا نوم هادى وبالتالى مش هيعرف يركز وممكن كمان ينسى اللى ذاكره بشكل أسرع .

وعشان نتغلب على الخوف من الامتحانات عندنا أساليب متنوعه ممكن استخدامها عشان التحكم فى الشعور بالخوف والتوتر ، ومن الافضل ان الطلاب يحطوا نجاحهم السابق قدام عينيهم ، الوسيله دى من العلاج السلوكى ومعروفه بأسم اعادة الهيكله المعرفيه ، وممكن من خلال الوسيله دى النجاح فى الحفاظ على الهدوء واجتياز الامتحان بنجاح .

وممكن كمان مثلا التدريب على أسئلة الامتحان واجاباته المتحمله وأى مواقف محرجه ممكن التعرض ليها وقتها عن طريق لعب تمثيل الأدوار مع الاصحاب أو الاخوات أو الوالدين ، وده بيدى الشعور للطالب بالأمان وبيديه تجربه عن كيفية التعامل مثلا مع موقف التعرض لسؤال مش عارف يجاوبه وقت الامتحان ، وناخد بالنا ان كل ماكان تمثيل الادوار واقعى هيكون تأثير الوسيله دى أفضل .

ولازم لازم ممارسة أحد تمارين الاسترخاء والمواظبه على ممارسة الرياضه .

وان شاء الله بالتوفيق والنجاح …

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

من الأذكى الرجل أم المرأه ؟

من الأذكى الرجل أم المرأه ؟ الرجاله بتهزر كتير اوى مع الستات وبيقولوا ان دماغهم …