4 وصفات منزليه للتخلص من السيلوليت

4 وصفات منزليه للتخلص من السيلوليت

السيلوليت أو ترهل البشره عباره عن لعنه بتصيب الستات وخصوصا فى منطقة الفخدين وساعات فى الدراعات ومنطقة البطن .

التخلص من السيلوليت صعب جدا وخصوصا لان السيلوليت مقاوم بشكل كبير لكل أشكال الرجيم وتخسيس الوزن ، ده غير ان السيلوليت بيصيب كل الستات من غير اعتبار لوزنهن أو شكلهم ، ميهمش لو كنتى نحيفه أو تخينه فالسيلوليت عدو كل الستات .

بنقدر نتعرف بسهوله على ترهل البشره أو السيلوليت لأن البشره المصابه بتشبه قشرة البرتقال ، ولازم تعرفى ان السيلوليت مش مرض انما هو بس تشوه فى جمالية البشره بسبب بعض الهرمونات .

ولازم كمان تعرفى ان مفيش طريقه سحريه للتخلص من السيلوليت ولازم تحذرى من الكريمات السحريه مجهولة المصدر ومتستعمليش غير كريمات الصيدليه بماركات مشهوره ، ولو كنتى بتفضلى استعمال وصفات منزليه للعنايه بجمالك .. يبقا انتى فى المكان الصح .. والنهارده هقدملك مش وصفه واحده لأ دول 4 وصفات منزليه للتخلص من السيلوليت وترهل البشره وكلها وصفات طبيعيه سهله وتقدرى تعمليها بنفسك فى البيت.

1_ ماسك للتخسيس والتخلص من السيلوليت بالقهوه :
الكافيين ماده مميزه للتخلص من السيلوليت وهو مكون أساسى لكتير من كريمات التخسيس وفقدان الوزن الزايد وعشان تعمليه تابعى معايا :
حطى معلقه كبيره من القهوه فى طبق وحطى عليه معلقة صغيره زيت زيتون واخليطهم كويس وحطى الخلطه دى على الاماكن المصابه ولفيها بورق السولفان وسيبى الخلطه لمدة 20 دقيقه ، وممكن كمان تضيفى الخلطه دى لماسك التخلص من السيلوليت لو كان عندك . ولفاعليه أكبر كررى الماسك مرتين فى الاسبوع .

2_ خلطة زيت اللوز والسترونيلا :
حطى 60 قطره من الزيت الأساسى للسترونيلا مع 30 مل زيت اللوز الحلو واخلطيهم كويس ودلكى الاماكن المصابه الصبح وبليل لمدة 3 أسابيع على الأقل .

3_ ماسك نبات اللبلاب :
نضفى ورق اللبلاب قبل طحنه واطحنيه كويس لحد مايبقى مسحوق وضيقى شويه صغيره من الميه لحد ماتكون عجينه متجانسه وحطيها على الاماكن المصابه ولفيها بورق السيلوفان وسيبى الخلطه 20 دقيقه وكرريها مرتين فى الاسبوع .

4_ لوشن الليمون والكافيين :
تعرفى ان الليمون بيساعد على اذابة الدهون وشد البشره وباضافة الكافيين للتخلص من السيلوليت وبكده هيكون عندك لوشن عجيب لمحو السلوليت نهائى .
أعملى قهوه قويه وصبيها فى طبق وحطى عليها عصير لمون وقلبيهم كويس وسيبى الخليط يرتاح لمدة 24 ساعه وممكن تحتفظى بيه فى التلاجه لمده متتعداش الاسبوع .
ودلكى الاماكن المصابه باللوشن ده كويس الصبح وبليل لمدة 3 أسابيع ولحد ماتلاقى النتايج اللى نفسك فيها .

اتمنى تجربوا الوصفات دى وتقولولى رأيكوا وممكن كمان تشاركونى بوصفتكوا الشخصيه للعنايه بالبشره والجسم .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 حلول لتخفيف الام الثديين خلال الرضاعه

10 حلول لتخفيف الام الثديين خلال الرضاعه من أهم التوصيات اللي بتتقدم للأم الحامل فى …