اسباب ضيق التنفس بعد الاكل وطرق العلاج

اسباب ضيق التنفس بعد الاكل وطرق العلاج

ممكن يظهر ضيق التنفس بعد الاكل انه خطير لكن مش دايما بيكون خطير ، ممكن تواجه بعد الاكل اعراض الحموضه أو التهاب الشعب الهوائيه أو الشعور بالتوتر واللى بيوصلك للشعور بضيق التنفس بعد الاكل وعوامل تانيه كتير هنقولها عشان نعرف السبب الحقيقى ورا المشكله دى .

_ الاكل كتير جدا أو الاكل بسرعه : لما بتاكل أكل كتير بيعمل لغبطه فى المعده أو حتى لما بتبلع بسرعه كبيره جدا ، هتحس بالتضخم لانك بلعت كميه كبيره جدا من الهوا وانت بتاكل ولما بيزيد حجم المعده بتواجه صعوبه عند الحجاب الحاجز وده بيخلى صعب عليك التنفس بشكل طبيعى لان مساحة الحجاب الحاجز عندك بتكون أقل .

_الحساسيه الغذائيه : متحاولش تاكل اى حاجه حسيت انها بتسببلك حساسيه لانها بتسبب ضيق التنفس لان الجسم بيواجه حساسيه الجهاز المناعى بسبب طعام معين أو ماده .

_مشاكل الرئه : انسداد الشعب الهوائيه بسبب البلغم أو المخاط واللى بيخلى صعب تحريك الهوا جوه وبره الرئتين واللى بيخليك تحس بضيق التنفس .

_الحموضه المعويه : كمان الارتجاع الرئوى من اسباب ضيق التنفس بعد الاكل لانها حاله بتسبب فى حدوث الحموضه للمعده ويرجع الاكل من معدتك للمرئ .

_ عدم انتظام ضربات القلب : بتظهر اعراض كتير لعدم انتظام ضربات القلب ومنها ضيق التنفس بعد الاكل .

_ اضطرابات القلق : من الامراض النفسيه اللى بتتميز بالخوف الشديد والارق والهلع وضيق التنفس بعد الاكل من الاعراض الشائعه للقلق ودايما بيرتبط القلق بزيادة الوزن أو غيرها من المشاكل المرتبطه بالنظام الغذائى .

نصائح لعلاج ضيق التنفس بعد الاكل :

1_ الزيوت العطريه : من العلاجات المنزليه الفعاله واللى لازم تلجأ ليها على طول اول ماتحس بضيق التنفس لانها علاجات مناسبه لالتهاب الشعب الهوائيه .

2_ نبات النقرس : لو بتعانى من ضيق التنفس بسبب مرض الربو يبقا نبات النقرس فعال للتعامل مع ضيق التنفس .

3_ نظام غذائى صحى : ممكن تقلل من ضيق التنفس بعد الاكل والنوبات القلبيه بانك تتبع نظام غذائى صحى ويكون فى لحوم حمرا وأسماك وفاكهه طازه والخضار .

4_ تجنب التوتر والقلق : حاول معرفة الطرق اللى تساعدك فى التعامل مع ضيق التنفس لان نوبات الهلع مرعبه وبتشبه بالظبط الاصابه بالازمه القلبيه وممكن تساعدك تمارين التأمل فى تقليل الشعور بالتوتر والقلق .

5_ فقدان الوزن : بتسبب السمنه صعوبة التنفس عشان كده هتكون محتاج لانقاص الوزن ودى من العلاجات المهمه للقضاء على المشكله دى .

6_ الاعشاب : ممكن تكون بتعانى من حساسية حبوب اللقاح واللى بتسبب ضيق التنفس وهتساعدك الاعشاب فى زيادة الشفا ومنع الحساسيه زى مثلا اختيار الاعشاب المضاده لحبوب اللقاح لانها بتكون مضاده للهيستامين وبكده هتساعدك فى محاربة الحساسيه من حبوب اللقاح .

7_ استنشاق البخار : هيساعدك على سهولة التنفس والحفاظ على صحة الممرات الانفيه بسهوله ولما تحس بضيق التنفس بعد الاكل حاول تعرض الانف للبخار .

8_ الجنزبيل : بيزيل البلغم بفاعليه كبيره جدا وبكده بينضف الصدر وعلاج احتقان الانف اللى بيسبب فى ضيق التنفس .

9_ جذور الشمندر : بيهدى معارك الجهاز التنفسى لان جذور الشمندر غنيه بالحديد والالياف والكالسيوم والبوتاسيوم والفيتامينات وبمجرد انك تقلب نص جذور الشمندر مع نص حزمة سبانخ وتاخد الخليط ده مره واحده فى اليوم .

10 _ القهوه : من العلاجات المنزليه الكويسه جدا فى تهدئة التنفس لان الكافيين الموجود فيها بيقلل تعب العضلات وتحسين وظيفة الجهاز التنفسى وبالتالى تعزيز مجرى الممرات الهوائيه وفى نفس الوقت متشربش قهوه كتير لانها بترفع معدل ضربات القلب .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …