أشياء قد لاتعرفها عن التوأم

أشياء قد لاتعرفها عن التوأم

ناس كتير بتسأل عن شكل العلاقه بين التوائم ولو كانت الحاسه السادسه بين التوائم حقيقيه ولا لأ وازاى العيله بتعرف تفرق بين التوأم المتشابه .. وهنا هعرض ليكوا بعض الحاجات اللى متعرفوهاش عن التوأم وعلاقتهم ببعض .

بيناموا متشابكين ايديهم .. أغلب التوائم بيناموا وكل واحد فيهم ماسك بأيد التانى ولو قاعدين بيتفرجوا مثلا على التليفزيون ممكن تتشابك رجليهم كمان .

بيكون عندهم لغه خاصه بيهم محدش يفهمها غيرهم .

التوائم متعودين على ان الناس يتلخبطوا بينهم حتى عيلتهم فى بعض الاحيان لكن أغلبهم متعودين على الضحك فى المواقف اللى زى دى .

على الرغم من ان بعض التوائم بيكونوا متشابهين لحد كبير الا ان كتير منهم مش بيكونوا متماثلين .

التوأم بيكملوا جمل بعض بسهوله .

لما بيكون التوأم بنت وولد مش بيكونوا متماثلين فى الشكل .

على عكس المعتقد ان التوأم مش بيحاولوا التفوق على بعض طول الوقت .

بيستغرب التوائم لما الناس يسألوهم انتوا بتعملوا ايه فى علاقتكم مع بعض ، لان العلاقه بينهم بتكون طبيعيه ومفيش داعى للسؤال عن شكل العلاقه .

الجينات والبيئه .. ممكن يتربى توأمين فى بيئتين مختلفتين وفى مكانين متباعدين ومع ذلك يتشابهوا جدا فى الشخصيه وفى الاهتمامات كمان .

بصمات الايدين .. بالرغم من تطابق الحامض النووى بينهم الا انهم مش بيملكوا بصمات متطابقه واختلاف البصمات ده بيكون لأسباب بيئيه زى مثلا موقع الجنين فى رحم الأم ووضعه بالنسبه للمشيمه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. اصحى ياماما الشمس صحيت

حواديت ماما .. اصحى ياماما الشمس صحيت النوم ومعاناة النوم اللي بتمر بيها كل أم …