4 أكواب من القهوه يوميا لاتضر بالصحه

4 أكواب من القهوه يوميا لاتضر بالصحه

لعشاق القهوه ومحبيها يلا افرحوا

مجموعه من العلماء والاطباء وصلوا لنتيجة ان تناول الشخص العادى كميه من القهوه توصل لـ 4 كوبايات فى اليوم مش بيضر بالصحه ولا بيأثر سلبا على الشخص وده جه خلاف لتحذيرات طبيه كتيره سابقه اللى كانت بتتكلم عن تأثيرات سلبيه خطيره لكتر تناول القهوه .
ولقى العلماء والاطباء دول اللى عملوا مراجعه شامله لقايمه طويله من الدراسات السابقه ان تناول 400 جرام من الكافيين كل يوم ملهوش اى تأثيرات سلبيه على الصحه العامه وده بيعادل 4 كوبايات قهوه ، اما الستات الحوامل تناول 3 كوبايات أو 300 جرام كل يوم من الكافيين مش بيسبب اى ضرر على الصحه .
والمفجأه اللى وصل ليها العلماء هي انها مش مضره للأطفال وده عكس الاعتقاد السائد بين الناس بس بشرط انها متتجاوزش 2.5 جرام بس لكل كيلو جرام من وزن الطفل يعنى الطفل اللى وزنه 20 كيلو ميشربش اكتر من 50 جرام من الكافيين يوميا يعنى حوالى نص كوبايه بس من القهوه فى اليوم الواحد .
والخلاصه اللى تم نشرها فى دوريه علميه متخصصه حذر الاطباء من ان تجاوز الكميات من الكافيين والقهوه ممكن يكون ليه تأثير سلبى فى خمسة مجالات صحيه على الانسان أولها التسمم الحاد للجسم وثانيها التأثير على العظام وتالتها نسب الكالسيوم فى الجسم ورابعها التأثير على القلب والاوعيه الدمويه وأخيرا التأثير على السلوك والقدرات التناسليه عند الانسان.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اهمية الاستحمام فى نهار رمضان

اهمية الاستحمام فى نهار رمضان قد يلجأ العديد إلى الاستحمام في نهار فصل الصيف على …