فوائد قشر الرمان المتعدده

فوائد قشر الرمان المتعدده

فى ناس كتير اوى بترمى قشر الرمان فى سلة الزباله وميعرفوش الفوايد الصحيه اللى فيه واللى يخلينا نفكر مرتين قبل مانرميه .

قشر الرمان بيحتوى على ضعف مضادات الأكسده الموجوده فى الفواكه التانيه وكمان فيه عناصر مضاده للجراثيم والالتهابات وكميه كبيره من فيتامين سي .

وممكن نستفيد من قشر الرمان بطرق كتير زى مثلا ندخله فى الأكل ونعمل سلطه وندخل قشر الرمان فيها .

ودى الفوايد الصحيه لقشر الرمان :

_ قلب صحى : بيساعد قشر الرمان على مكافحة أمراض القلب لانه بيحتوى على مواد مضاده للأكسده كتير وكمان بيساهم فى التخلص من ريحة النفس الكريهه عن طريق طحن القشر ونقلبه مع الميه وفركه على السنان ، وكمان بيمنع التهاب اللثه وقرح الفم .

_ عظام صحيه : قشر الرمان المليان بمضادات أكسده عاليه ومضاده للألتهاب بيساعد على تعزيز صحة العظام وخصوصا للستات بعد انقطاع الدوره الشهريه عشان كده ممكن نستخدمه لتجنب هشاشة العظام وفقدان كثافتها .

مفيد للسعال : بيساعد مسحوق قشر الرمان فى علاج التهاب الحلق والسعال الجاف ، بأننا نحطه على ميه دافيه ونستخدمه للغرغره عشان نخفف من التهاب الحلق .

بيأخر الشيخوخه : قشر الرمان بيساهم فى محاربة الشيخوخه عشان كده يعتبر أفضل الخيارات للأستخدام لانه بيمنع الانزيمات من كسر الكولاجين وبالتالى تعزيز نمو الخلايا واللى بيأخر عملية الشيخوخه ، وكمان بيساعد على تقليل خطر الاصابه بسرطان الجلد وازالة السموم المتراكمه .

_ بشره صحيه : بيقدم قشر الرمان خيارات ممتازه للحفاظ على نضارة البشره لانه بيكافح حب الشباب والبثور وممكن نستخدمه عن طريق تجفيفه ونعمله مسحوق ونقلب معاه مية ورد أو عسل ونحطه على الوش ، وبيعتبر كمان وصفه مثاليه لعلاج قشر الراس بأننا نقلبه مع زيت جوز الهند الدافى ويتحط على فروة الراس لمدة ربع ساعه ويتغسل بالميه البارده .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

فضل عيد الفطر

فضل عيد الفطر الأعياد يُعتبر العيد من المُناسبات المهمّة التي عُرِفت لدى كافة الأمم، فهذه …