مخاطر نفخ البالونه بالفم

مخاطر نفخ البالونه بالفم

البالونات أكتر حاجه بتكون موجوده فى الحفلات وأعياد الميلاد والمناسبات ، لأننا بنحب شكلها وبيستمتع بألوانها الكبار والصغيرين … طيب لو قولنالك ان البالونه العاديه فيها خطر مستخبى محدش يعرفه ؟

معظم البالونات المطاطيه الموجوده فى السوق بتحتوى على مواد سامه ومسرطنه ممكن تتنقل من اللعاب لجوه الجسم وانت بتنفخها أو بتحطها فى بؤك !

عشان يثبتوا ده فحصوا عينات من البالونات دى عن طريق فريق بحث ألمانى وأتبين ان أكترها بيحتوى على ماده سامه مضره للأطفال والكبار وأسمها N-Nitrosamine .
الماده دى بتدخل اللعاب وأنت بتنفخ البالونه ببؤك وبتزيد نسبة انتقالها من المطاط للجسم .

معظم أشكال مادة النيتروسامين مصنفه علميا بالمسرطنه واثارها بيتكون أكتر ضرر للأطفال الصغيرين .

ازاى نحمى نفسنا وأسرتنا ؟

لو كنت بتحضر لحفله أو طلب منك أبنك تشتريله بالونه يلعب بيها أوعى تحطها فى بؤك أو تسمح لأبنك يعمل كده والجأ لأجهزة النفخ اليدويه الموجوده فى كل المحلات وسعرها بسيط .

وكمان احتفظ بالبالونات اللى مش منفوخه فى مكان مش حر وبعيد عن ايدين أطفالك عشان ميحطهاش فى بؤه أو يمضغها .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اهمية الاستحمام فى نهار رمضان

اهمية الاستحمام فى نهار رمضان قد يلجأ العديد إلى الاستحمام في نهار فصل الصيف على …