مرض الربو وطرق العلاج

مرض الربو وطرق العلاج

الربو لايمكن علاجه ولكن ممكن السيطره على اعراضه واسباب الربو غالبا بتتغير مع مرور الوقت عشان كده مهم انك تتابع مع الدكتور وتمشى على التعليمات وضبط العلاج حسب الحاجه .

_الأدويه :
الأدويه المناسبه ليك بتعتمد على حاجات زى سنك والأعراض ومسببات الربو وأفضل مايمكن عمله للحفاظ على الربو تحت السيطره .
العلاج الوقائى ومراقبة الادويه على المدى الطويل بتقلل من التهاب الشعب الهوائيه وأجهزة الاستنشاق للاغاثه السريعه وبتعمل بسرعه على فتح الممرات الهوائيه وبتقلل التورم اللى بيحد من التنفس وفى بعض الحالات ضرورى أخذ أدوية الحساسيه .
على المدى الطويل أدوية السيطره على الربو واللى بتتاخد بشكل عام يوميا هي حجر الزاويه فى علاج الربو والادويه دى بتخلى الربو تحت السيطره يوم بعد يوم .

_ نمط الحياه والعلاجات المنزليه :
بالرغم من ان ناس كتير اللى بيعانوا من الربو بيعتمدوا على الادويه لمنع وتخفيف الاعراض ، بس تقدر تعمل حاجات لوحدك عشان تحافظ على صحتك وتقليل احتمال وقوع هجمات الربو .

_ تجنب مسببات أزمة الربو زى :

1_ استخدام أجهزة تكييف الهوا : تكييف الهوا بيقلل من كمية حبوب اللقاح المحموله فى الجو من الاشجار والاعشاب والحشايش واللى بتلاقى طريقها فى الهوا وكمان بيخفض التكييف الرطوبه فى الاماكن المغلقه وبيقلل من التعرض لذرات التراب ولو مكنش عندك تكييف لازم تحافظ على الشبابيك مقفوله طول موسم حبوب اللقاح .

2_ تطهير ديكور البيت : تقليل التراب اللى بيزود الاعراض بليل عن طريق استبدال بعض الحاجات فى أوضة النوم زى مثلا تغليف المخدات والفرش بحاجات واقيه من التراب ونشيل السجاد ونغسل الستاير .

3_ الحفاظ على الرطوبه : لو كنت عايش فى مناخ رطب يبقى لازم تتكلم مع الدكتور عشان يلاقى طريقه لازالة الرطوبه .

4_ منع جراثيم العفن : الحفاظ على المناطق الرطبه نضيفه فى الحمام والمطبخ وحولين البيت للحفاظ على جراثيم العفن من الظهور والتخلص من اى حاجه متعفنه أو الحطب فى الجنينه .

5_ تقليل وبر الحيوانات الاليفه : لو كانت عندك حساسيه من الوبر يبقى لازم تبعد عن الحيوانات الاليفه وفى حالة انها موجوده لازم الاستحمام بانتظام لانه بيقلل من كمية الوبر حواليك .

6_ الحفاظ على النضافه بانتظام :
تنضيف بيتك مره واحده على الاقل فى الاسبوع ولبس قناع وقت التنضيف وتغطى مناخيرك وبؤك .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …