دليل الرجل الكامل لبشره نظيفه خاليه من العيوب

دليل الرجل الكامل لبشره نظيفه خاليه من العيوب

مبقاش الرجاله بيخافوا يهتموا بالبشره زى زمان ، لأ ده كمان بقى فيه علامات تجاريه كبيره بتهتم بتوفير منتجات للعنايه ببشرة الرجل وكمان منتجات تانيه للرجاله اللى بيهتموا أكتر ببشرتهم زى أقنعة تنظيف البشره ومنتجات اخفاء العيوب وكريمات اخفاء الهالات السودا وكريمات البشره الدهنيه .

هقدم ليكوا الخطوات دى عشان تكون بمظهر كويس وثقه للرجل العصري :

1_ الحلاقه النضيفه وتنضيف البشره هي أحسن طريقه عشان تبدأ علاج أى مشكله ، استخدم منتجات تناسب طبيعة بشرتك ومبتسببش الجفاف ، أغسل وشك بالميه الدافيه واستخدم كريم مقشر لطيف عشان متتهيجش البشره بعد الحلاقه .

2_ استخدم ماء التونيك لاعادة مستوى الحموضه الطبيعى لبشرتك ، ممكن تعمل ده بطبقة كريم ترطيب ويكون أحسن انه يحتوى على نسبه من كريم واقى للشمس .

3_ استخدم كريم خاص باخفاء الهالات السودا حولين العينين واخفاء البثور والعيوب ومشاكل احمرار البشره ويفضل استخدام كريم مائى لأن الرجاله بيكون عندهم مسامات أوسع .

4_ ممكن تستخدم كريم مرطب وملون فى نفس الوقت ده هيدى بشرتك توهج خفيف على الجلد ويديك مظهر صحى .

5_ لعلاج البشره الدهنيه يفضل استخدام المنتجات الخاصه بالبشره الدهنيه من صابون ومطهر وكمان ممكن تستخدم القليل من البودره المضغوطه على المناطق الدهنيه .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

صيام لاعبى كرة القدم فى كأس العالم

صيام لاعبى كرة القدم فى كأس العالم فى شهر رمضان ازاى بيقدر لاعبى كأس العالم …