توقف عن تقشير الخضروات

توقف عن تقشير الخضروات

تقشير الخضار قبل استخدامه عشان نعمل بيه الوجبات المختلفه مرحله بتزعج ستات كتير وبتاخد منها وقت كتير وجهد . لو كنتى من الستات اللى بيملوا من المرحله دى وانتى بتطبخى يبقى هقولك النبأ السار ده .

قشر الخضار بيحتوى على فوايد صحيه كبيره ولما بنتخلص من القشر ده بنحرم جسمنا من العناصر الغذائيه الضروريه للصحه .

مثلا قشر الخيار خصوصا اللى لونه أخضر داكن بيحتوى على نسبه عاليه من فيتامين K ومضادات الاكسده المهمه للجسم ، وكمان بيحتوى قشر البطاطس على الحديد والمغنسيوم والكالسيوم والبوتاسيوم وفيتامينات C و B6 .

واحسن حاجه نطبخ الخضار كده بقشره زى البتنجان والبطاطس لأنها مش بتأثر خالص على طعمها على عكس الجزر اللى بيغير طعم الأكل لو سويناه بقشره ، مضادات الأكسده الموجوده فى القشر بتحمى الجسم من الجذور الحره وهي جزيئات ضاره للجسم بتلعب دور مهم فى التفاعلات الكيمياويه .

معظم الناس بيقشروا الخضار عشان خايفين ان يكون فى نسب عاليه من المبيدات بس ممكن نقضى على المخاوف دى بأننا نغسل الخضار كويس أوى .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …