نظام الكيتو دايت

نظام الكيتو دايت

فى رحتلك للبحث عن نظام غذائى مناسب ، يمكن تكون سمعت عن الكيتو دايت ، ايه هو ؟ ويناسبك ولا لأ ؟

رجيم الكيتو هو نظام غذائى بيعتمد على الدهون كمصدر أساسى للسعرات مع 15 لـ 20% من السعرات اللى من البروتين و5 لـ 10% من النشويات.
تقليل المواد النشويه فى الأكل بتاعك بيخفض مستوى الانسولين فى الجسم واللى بيجبره على استخدام الدهون المخزنه للحصول على طاقه بدل من الجلوكوز .
الموضوع ده معروف بعملية الكيتوزيس ولو تمت بشكل صحيح بتساعدك على الوصول للنتايج دى :

1_فقدان الوزن : عن طريق تخفيض السعرات الحراريه مع تناول الاطعمه الغنيه بالبروتين والدهون واللى هتساعدك على الشعور بالشبع لوقت أطول .

2_ تقليل مخاطر الامراض المزمنه : زى السكر ومتلازمة التمثيل الغذائى ومقاومة الانسولين وارتفاع ضغط الدم وارتفاع نسبة الدهون الثلاثيه والكوليسترول .

3_ تحسين القدرات الدماغيه : النظام ده بيعزز احتياطات الطاقه العصبيه وتحسين قدرة الخلايا العصبيه على مواجهة تحديات الأيض وتحسين مضادات الاكسده ، اللى بيخليه مفيد للوقايه من أمراض الزهايمر والخرف ومرض باركنسون واصابات السكته الدماغيه .

طيب ده معناه عدم وجود اى مخاطر من اتباع النظام ده ؟
بالتأكيد لأ ، مبدئيا بيحتاج جسمك لفتره من التكيف قبل التحول لعملية الكيتوزيس ، وبعدها كمان ممكن تعانى من بعض الاعراض الجانبيه زى عدم انتظام الحيض وعدم انتظام النوم والتقلبات المزاجيه والشعور بالتعب وده بسبب نقص النشويات .

وفى بعض النصايح عشان نتغلب على الاعراض دى ومنها :
_ تناول الكربوهيدرات بنسبه كبيره ليوم أو يومين اسبوعيا .
_استهلاك ملح وألياف أكتر .
_اتباع نظام معتدل أكتر بيعتمد على حوالى من 40 لـ 60% من السعرات الحراريه من الدهون .

ميقدرش كل الناس يتبعوا نظام الكيتو فلا ينصح بيه لمرضى السكر أو الحوامل أو المرضعات أو اللى بيعانوا من أمراض القلب أو الستات اللى عندهم تاريخ من الاضطرابات الهرمونيه أو عدم انتظام الحيض.

لو كنت مش من الناس دول وبتدور على نظام غذائى لفقدان الوزن تقدر تجرب الكيتو دايت بعد استشارة طبيبك .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

التخلص من الكرش فى رمضان بطرق صحيه

التخلص من الكرش فى رمضان بطرق صحيه طبعا فى شهر رمضان كلنا بيكون صعب نتخلص …