10 طرق طبيعيه لعلاج التعرق الزائد

10 طرق طبيعيه لعلاج التعرق الزائد

وقت التمرين أو البيئه الحر بننتج كتير أوى من العرق لكن فى ناس بيعانوا من التعرق المفرط وده بيكون بسبب عوامل كتير زى نقص التغذيه والاجهاد والقلق وضعف الدوره الدمويه ومرض السكر ومشاكل فى القلب والسمنه وفرط نشاط الغده الدرقيه وغيرها ، ودى اسباب ممكن تسبب التعرق المفرط وبتسبب مشاكل محرجه ومش مريحه فى حياتنا .

بدل مانعتمد على العلاجات الطبيه نقدر نحاول نستعمل العلاجات الطبيعيه والمنزليه لعلاج المشكله دى .

1_ خل التفاح : ليه خاصيه قابضه بتسيطر على عملية التعرق وبيساعد على تحقيق التوزان فى مستويات الحموضه فى الجسم للتخلص من البكتيريا ، ولأنه مضاد للعرق بيشكل طبقه على الجلد بتقفل المسام ، وتقدر تحط خل التفاخ تحت الباط بقطنه قبل النوم وبعدين تغسله بالميه اول ماتصحى من النوم وتكررها كل يوم . وممكن كمان تستخدمه فى علاج تعرق الرجلين بانك تحط لتر ميه فى طبق غويط وعليهم نص كوبايه خل تفاح وقلبهم كويس وبعدين حط رجليك فى الميه دى لمدة 20 دقيقه .

2_ الليمون : فعال فى السيطره على التعرق المفرط وكمان بيحتوى على حمض اللمون اللى بيقضى على البكتيريا وريحته حلوه تخليه يكون مزيل طبيعى للعرق ، ببساطه اخلط معلقه صغيره عصير لمون وصودا الخبز فى طبق صغير وحط العجينه دى تحت الباط وسيبها لمدة 30 دقيقه وبعدين تغسلها بالميه ، وممكن بدل كل ده تفرك نص لمونه تحت الباط وتسيبها نص ساعه وتشطفها بالميه والطريقه دى كمان بتبيض الابطين أو اى جزء تانى من الجسم .

3_ صودا الخبز : العرق بيحتوى على بعض الاحماض اللى بتشجع نمو البكتيريا وصودا الخبز بيقلل بشكل فعال مستوى الرقم الهيدروجينى للمناطق المتعرضه للعرق فى الجسم وبيكون زى مزيل طبيعى للعرق ، ببساطه حط شويه من صودا الخبز على نشا الذره وتحط الخليط تحت الباط لمدة 30 دقيقه وبعدين تشطفه بالميه.

4_ زيت جوز الهند : يحتوى زيت جوز الهند على حمض اللوريك اللى بيساعد فى القضاء على البكتيريا اللى بتسبب العرق ، حط شويه من الكافور مع كوباية زيت جوز الهند وقلب العجينه كويس وحطها على المناطق المتعرضه للعرق فى الجسم مع التدليك لدقايق وسيبه لمدة 60 دقيقه وبعدين اغسله بالميه .

5_ البطاطس : بما انها ممتازه فى امتصاص الميه الزياده فى الجسم تقدر تفرك قطعه من البطاطس على المناطق المعرضه للعرق لدقايق عشان تمتص العرق الزياده وتقلل التعرق المفرط وسيبها لحد ماتنشف خالص قبل ماتلبس هدومك .

6_ الشاى الأسود : حمض التانيك الموجود فى الشاى الاسود ليه خصائص الدوا القابض والمضاد للعرق اللى بيضيق الغدد الدرقيه اللى بتسيطر على تدفق العرق من الجلد الخارجى ، حط كيسين من الشاى الاسود فى 3 كوبايات ميه سخنه وسيبهم ربع ساعه وبحتة قطن حطها فى الشاى وبعدين ادهن تحت الباط .

7_ الساحرات هازال : الساحرات بتحتوى على مضادات الاكسده وبيساعد فى علاج مشكلة التعرق بشكل فعال وخصوصا على الوش وتقدر تعمل شاى الساحرات هازال وتحطه على المناطق المتعرضه للعرق زى الابطين والوش والرجلين باستخدام القطن ويتغسل بعد 30 دقيقه .

8_ زيت شجرة الشاى : بيحتوى على خصائص مضاده للفطريات والدوا القابض الطبيعى اللى بيساعد على التخفيف من التعرق عن طريق قتل البكتيريا ، حط زيت شجرة الشاى على المناطق المتعرضه للعرق باستخدام القطن .

9_ عصير الطماطم : بتحتوى الطماطم على خصائص مضاده للأكسده وخصائص الدوا القابض اللى بيساعد على تقليص مسام الجلد ، حط عصير الطماطم على المناطق المتضرره وسيبه لمدة 15 دقيقه وبعدين اشطفه بالميه وكرر العمليه دى مره واحده فى اليوم وممكن كمان تشرب عصير الطماطم مرتين فى اليوم لمدة أسبوع .

10_ خشب الصندل الأبيض : مسحوق خشب الصندل الأبيض بيستخدم لعلاج أو السيطره على العرق لأنه بيحتوى على الانزيمات اللى بتساعد على امتصاص الرطوبه الزياده من الجلد وبالتالى بيحافظ على البشره جافه وعطريه ، اخلط معلقه كبيره من مسحوق خشب الصندل الابيض ومية ورد وشويه صغيره عصير لمون لحد ماتكون عجينه ناعمه وأغسل الاماكن الاول المتعرضه للعرق بالميه ونشفها وبعدين حط العجينه دى على المناطق وسيبها لحد ماتنشف خالص وبعد كده اشطفها بالميه الدافيه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …