اسباب ندرة الاحلام او انعدامها

اسباب ندرة الاحلام او انعدامها

بتختلف النظريات والتفسيرات حول عالم الاحلام الغامض وعن حقيقة التخيلات دى اللى بيستسلم ليها الانسان اول مابينام ويغمض عينيه واللى ملهاش اى صله بالواقع لا من حيث المقاييس ولا الأوصاف .

يعتقد ان الحلم متنفس لاشعورى للرغبات المكبوته عند الاشخاص واللى صعب عليهم تحقيقها فى عالمهم الواقعى ، بس فى ناس بتعانى من ندرة الاحلام أو انعدامها فياترى ايه سبب الظاهره الغريبه دى ؟؟

عدم رؤية الاحلام أمر نادر الحدوث لكن بعض الدراسات الحديثه كشفت ان الموضوع ظاهره مرضيه اسمها متلازمة شاركو ويرلبراند اللى بتفقد الشخص القدره على رؤيه الاحلام بالرغم من النوم المنتظم .
طبيا اتضح ان تذكر الاحلام بيعتمد على نشاط قشرة الفص الجبهى وخصوصا تقاطع الصدغى الجدارى المسؤول عن معالجة المعلومات من مصادر خارجيه فلو كان العضو ده بيعانى من خلل معين يبقى مش هيقدر الشخص يغوص فى عالم الاحلام زى بقية الاشخاص العاديين .

اما عن وجهة نظر سيكولوجيه أكدت دراسات تانيه بان الاشخاص اللى بيناموا بشكل خفيف ومتقطع عندهم القدره على تذكر احلامهم أكتر من اللى بيستسلموا للنوم بشكل عميق وكمان فى كتير من الاوقات لما الشخص مبيديش اهتمام كبير للأحلام فانه فى الغالب مش بيفتكر اى حاجه منها لما بيصحى .

بالنسبه للستات هما اكتر عرضه للأحلام من الرجاله وده لانهم عاطفيات أكتر وبيتأثروا بالاحداث اليوميه بسهوله وخاصة لو كانت بتسيطر عليها المشاعر السلبيه زى التوتر والقلق ، فالاحلام فى النهايه بتعكس حقايق نفسيه عميقه عن الذات حسب النظرية الفرويديه .

ده مش معناه ان الاشخاص تصحى من الوقت للتانى عشان تفتكر احلامها لكن لو كنت من اللى بيصحوا من غير مايفتكروا حاجه من احلامهم كفايه بس انك تظهر بعض الاهتمام عشان تشوفها قبل النوم عشان تكون دماغك جاهزه تحفظها فى الذاكره وكمان تقدر تحتفظ بمذكره صغيره وقلم جنب السرير عشان تدوين تفاصيل بتشوفها فى الحلم اول ماتصحى على طول .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

نصائح بسيطه للتغلب على الخوف من الامتحانات

نصائح بسيطه للتغلب على الخوف من الامتحانات بما اننا فى موسم الامتحانات بتظهر مشكلة القلق …