أهم النصائح للصائمين لتفادى العطش فى رمضان

أهم النصائح للصائمين لتفادى العطش فى رمضان

عشان صحتكم فى شهر رمضان المبارك ، هقولكوا على مجموعة نصايح مفيده عشان يكون صيامكم سهل ومفيهوش تعب أو ارهاق .

وأكتر حاجه بتتعب الصايم فى شهر رمضان هو العطش ، خصوصا مع ارتفاع درجة الحراره فى الصيف وفى دول الخليج ومصر وشمال افريقيا وغيرها من الدول العربيه ، عشان كده هقدملكوا مجموعة نصايح طبيه لكيفية تفادى العطش فى رمضان اللى بيسبب الارهاق والكسل والخمول .

لتفادى العطش فى رمضان لازم نهتم بأكل الالياف والخضار والفواكه اللى بتحتوى على الميه زى الخس والبطيخ والشمام والكوسه .

ولازم نهتم بشرب كميات مناسبه من الميه ونشرب شوربة الخضار ونبعد عن المشروبات الغازيه والعصاير المعلبه لانها بتحتوى على نسبه عاليه من السكريات . ونفس الحاجه بتنطبق على الأكلات المالحه ، لازم نبعد عن المخللات بكل أنواعها وكمان الشيبسى .

ومن الحاجات اللى بتخلى الصايم ميحسش بالعطش هي شرب الميه بشكل مناسب يعنى كوباية ميه كل ساعتين أو تلاته لان ده بيخلى الصايم يشرب 3 لترات ميه وبلاش نشرب ميه كتير أوى وقت السحور لأن الكليه هتطرد الميه الزياده فى الجسم .

وعشان تكون وجبة الفطار والسحور لذيذه ومتوازنه ، جرب انها تكون عباره عن وجبات خفيفه مشويه أو مبخره ومعاها سلطات فيها نسبه كبيره من الخيار ، وأبعد عن الاكلات اللى فيها نسبه كبيره من الدسم والتوابل والمقليات .

الصايمين كتير بيهملوا وجبة السحور وده غلط ، لانها بنفس أهمية وجبة الفطار وبتدى الجسم طاقه وقوه خلال ساعات النهار عشان كده يستحسن تناول السحور فى وقت متأخر عشان نقلل من العطش .

الابتعاد عن أشعة الشمس والتعرض ليها لفترات طويله أو ممارسة الانشطه والاشغال اللى بتتطلب من الجسم مجهود عضلى كبير لأن ده بيزود التعرق وبالتالى خسارة الجسم للسوايل وبيحس الصايم بالعطش .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …