غير مصنف

خطوات العنايه بصحة الاسنان فى شهر رمضان

خطوات العنايه بصحة الاسنان فى شهر رمضان

تعتبر مشكلة ريحة الفم الكريهه من المشاكل الصعبه والمحرجه للصايمين فى شهر رمضان المبارك وبتكون بسبب الامتناع عن الشرب والأكل طول النهار أو ممكن بسبب وجود بعض الالتهابات فى اللثه وممكن كمان بسبب بعض مشاكل السنان الصحيه واللى بيسبب احراج شديد للصايم … وعشان نتفادى المشكله دى لازم نعرف ازاى نعتنى بصحة السنان فى شهر رمضان الفضيل .
فى الأول كده الطرق دى كلها بتكون بعد الفطار أو بعد السحور

_ أهتموا باستخدام المسواك فى تنضيف السنان ودى طريقه مفيده وفعاله فى الحفاظ على الفم خالى من البكتيريا والجراثيم ، وكمان بيعتبر مطهر قوى للفم ، وكمان بيحتوى خشب المسواك على مواد قابضه وعطريه بتحفز افراز اللعاب ، وبيستخدم السواك فى تنضيف اللسان وبيعمل على وقاية السنان من التسوس بسبب انه بيحتوى على عصاره غنيه بالفلورايد .

_ ألتزموا بمضغ اللبان الخالى من السكر بعد وماتخلصوا وجبة السحور أو ممكن مضغ بعض حبات الهيل أو اليانسون بعد ماتخلصوا سحور عشان يقدر الهيل أو اليانسون من تخليصك من الروايح اللى بيخرجها الفم .

_ مهم جدا ناكل الفواكهه اللى ليها ريحه حلوه زى الفراوله لانها بتخلى ريحة الفم والسنان جميله ، ده غير انها غنيه بالكالسيوم الضرورى لتقوية السنان وصحتها وخليك دايما حريص انك تختار الوجبات السهله فى الهضم أو اللى مش بتسبب فى الاصابه بعسر الهضم .

_ وضرورى نستخدم خيط السنان الطبى عشان نتخلص من بقايا الطعام الموجوده بين السنان عشان نتفادى ريحة الفم الكريهه .

_ وعشان نقضى على البكتيريا فى الفم واللى بتسبب الروايح ، استخدموا مضمضة السنان الطبيه واللى بتحتوى على مواد بتساعد فى القضاء على البكتيريا دى .

_ اهتمو بتنضيف السنان دايما بعد ماتخلصوا الفطار وبعد السحور .

#دكتور_مفيد
#روشتة_دوت_كوم
#الدواء_بقى_أونلاين

اظهر المزيد

heba mohamed

انا هبه ويارب اقدر افيدكوا .. وأكون خفيفه على قلبكوا … ودايما احب اشوف ارائكوا وتعليقاتكوا وتتواصلوا معايا دايما

مقالات ذات صلة

شاهد أيضاً

إغلاق
إغلاق