الكميه التى يحتاجها الجسم من الفواكه فى رمضان

الكميه التى يحتاجها الجسم من الفواكه فى رمضان

الكميه اللى بيحتاجها الجسم من الفاكهه فى رمضان هي حصتين من الفاكهه بعد الفطار عشان اللى فيها من فيتامينات ومعادن وألياف وده اللى بيحتاجه الصايم بعد نهار طويل .

والفاكهه هى البديل عن الحلويات الرمضانيه والفاكهه من الحاجات اللى ليها قيمه غذائيه عاليه لانها غنيه بالمعادن والفيتامينات .

وبتتميز الفاكهه بأنها بتروى عطش الصايم وبتديله نشاط بعد نهار صيام طويل ، فى نفس الوقت اللى بتحتوى الحلويات على السكر والدهون المشبعه ، تعتبر الفاكهه من الحاجات المعتدله فى سعراتها الحراريه والعاليه فى محتواها من العناصر الغذائيه .

ومن أشهر الفواكه الرمضانيه البطيخ لانه بيروي عطش الصايم عشان فيه ميه كتير وقطعه من البطيخ الأحمر بتحتوى على 80 سعر حراري .

أما الموز فهو من الفواكه الغنيه بالألياف اللى بتساعد على الحفاظ على صحة الجهاز الهضمى ، وبيقلل الاصابه بالامساك اللى بينتشر فى شهر رمضان ، وبيحتوى الموز على 100 سعر حرارى .

أما الرمان بيقوى القلب وبيطهر الدم وبيشفى عسر الهضم و100 جرام منه بيحتوى على 100 سعر حرارى .

وبما ان ناس كتير بتشرب عصاير الفاكهه الطازه بيشدد مختصين التغذيه على عدم الافراط منه وكفايه كوبايه واحده فى اليوم .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …