الكميه الصحيحه لشرب الماء فى رمضان

 

 الكميه الصحيحه لشرب الماء فى رمضان

تناول وشرب الميه كتير من المعتقدات الغلط وخصوصا فى شهر رمضان الكتير مننا بيجهل الكميه الصح لشرب الميه فى رمضان .
المفروض تشرب مايقلش عن 3 لتر ميه مهما كان الجو حر وبطرق صحيه بعيده عن المبالغه ._ متشربش كميه كبيره من الميه دفعه واحده بمجرد مالمغرب يأذن وبيتضاعف التحذير ده فى حالة لو كانت الميه متلجه لأن ده هيسبب حدوث صدمه فى جسمك ويسبب تقلصات حاده فى المعده والام انت فى غنى عنها .

_ تناول قبل صلاة المغرب 3 تمرات وبعد كده اشرب كوباية ميه فاتره .

_ بعد كده ارجع لوجبة الفطار واشرب معاها كوبايتين ميه .

_ مفيش شك انك هتشرب شاى مثلا بعد الفطار متنساش ان المشروب ده هو عباره عن ميه برضه عشان كده كوباية الشاى بتعادل شرب ميه .

_ متبالغش فى شرب كميات كبيره من الميه وقت السحور لانك هتحس بتوعك فى المعده وفى النهايه هتحفز الكلى على طرد الميه دى بسرعه على شكل بول .

_ تناول الفاكهه والخضار زى البطيخ مثلا لانها مصادر للميه برضه .

_ متكترتش من الملح أو المكسرات أو الشيبسى لانها بتسبب احتباس الميه فى جسمك وهيبقى للموضوع ده نتايج عكسيه وهي الاحتباس وزيادة المقاسات بدل نقصها .

لو عجبتكوا المقالة لايك وكومنت وشير .. وكمان شاركوني آرائكوا
#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …