فوائد وجبة السحور للجسم

فوائد وجبة السحور للجسم

بيأكد الاطباء والمختصين فى الدراسات العلميه على أهمية تناول السحور عشان فوايدها كتير ومنها :

_ بتقلل الاصابه بالصداع والاعياء والتعب وقت الصيام فى نهار رمضان وبتقلل من الشعور بالجوع والعطش .

_ بتمنع الشعور بالكسل والخمول والرغبه فى النوم وقت ساعات الصيام وبتمنع فقد الخلايا الاساسيه للجسم .

_ تنشيط الجهاز الهضمى .

بتحافظ على التوازن النفسى والاطمئنان الغذائى وسريان الدوره الدمويه فى جسم الانسان كالمعتاد .

_ بتحافظ على مستوى السكر فى الدم فترة الصيام .

_ بتحافظ على التوان الجسدى عشان من خلال تناول الكميه المطلوبه من الأكل والشرب بيقدر الجسم يحافظ على توازنه العام ويتعود الانسان على النظام والانتظام فى الحياه العامه والحياه الاسلاميه خاصه .

مواد غذائيه ضرورى تكون موجوده فى وجبة السحور :

النشويات المعقده : زى العيش الاسمر لانه بيحسن نسب السكر فى الدم وبيقلل الشعور بالاعياء .

الخضار المليان بالألياف : عشان زيادة الشعور بالشبع زى الجرجير والخس والفلفل الرومى وكمان الفاكهه خصوصا التفاح والبرتقال والجوافه والكمترا ، لانها بتدى الجسم كميه كبيره من الميه وتديله الشعور بالارتواء وبتقلل شعوره بالعطش وكمان بتمده بالفيتامينات المفيده .

خليط متوازن من الكربوهيدات والدهون والبروتين : لانها بتعتبر مصادر الطاقه الاساسيه وبتوفر الوجبه دى للجسم وقت الصيام والطاقه الازمه للنشاط اليومى .

نصايح طبيه لاعداد وجبة سحور ليها فايده متكامله للصايم :

_ حضرى الأكلات بطيئة الهضم بدل من الأكل اللى بيتهضم بسرعه .
_ اهتموا بتوفير منتجات الالبان زى الزبادى واللبن الرايب .
_ توفير الخضار فى السحور .
_ التقليل من نسبة الكافيين فى الجسم .
_ ضرورة الابتعاد عن الوجبه المالحه فى السحور .
_ تقديم السوايل سواء ميه أو عصير طازه معتدل البروده ومش معلب أو غازى .
_ ابعدوا عن الاكل الغنى بالسعرات الحراريه زى المقليات .
_ اهتموا بتأخير وقت تناول السحور لأن التأخير بيخلى الجسم يستفيد من المواد الغذائيه لأكبر فتره ممكنه من ساعات النهار .
_ التمر من العناصر الغذائيه اللى بينصح بيها الاطباء فاهتموا بتقديم أنواع مختلفه من التمر فى السحور .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …