ماسكات طبيعيه لبشره مشرقه بدون مكياج فى رمضان

ماسكات طبيعيه لبشره مشرقه بدون مكياج فى رمضان

ممكن تخلى بشرتك رائعه وكلها نضاره واشراق فى رمضان من غير مكياج وده عن طريق ماسكات طبيعيه فعاله جدا وهتلاقى بشرتك أكتر من رائعه .

ماسك ترطيب البشره :
هتحتاج بشرتك بكل تأكيد وبشكل اساسى للترطيب فى رمضان ومفيش مرطب ليه نتايج رائعه زى العسل اللى تقدرى تحطيه على البشره كل يوم لتعوضها الرطوبه اللى فقدتها فى الصوم .
طريقة تحضير ماسك العسل والشوفان :
اخلطى معلقه صغيره عسل على معلقه صغيره شوفان وحطيهم على البشره لمدة ربع ساعه وبعد كده اغسليهم بالميه الدافيه .

ماسك تفتيح البشره وتوحيد لونها :
لو كانت بشرتك فيها بقع غامقه ومش موحدة اللون ممكن تعلمى الماسك ده.
ماسك اللبن بالدقيق :
3 معالق دقيق وشويه صغيره لبن طازه وعصير لمونه ، واخلطيهم على بعض وحطيهم على بشرتك لمدة 20 دقيقه وبعد كده اغسليها بالميه وهتندهشى من النتيجه .

ماسك الهالات السوده :
عشان تخفى الهالات السوده ممكن تتبعى الطريقه السحريه دى بانك تستخدمى زيت جنين القمح تحت العين مع التدليك الخفيف براحه وكررى العمليه دى كل يوم بليل قبل ماتنامى وهتتفاجئى بنتايج مبهره .

لمظهر شفايف طبيعى :
دلكى شفايفك كل يوم بزيت جوز الهند ،
وممكن كمان تحطى خليط من زيت الزيتون الدافى مع الفازلين على الشفايف لترطيبها .

رموش أكتر كثافه وجمال :
حطى زيت الخروع كل يوم على رموشك قبل ماتنامى وممكن تستخدمى فرشة مسكارا مغسوله ونضيفه وبعد فتره من المواظبه على الاستخدام هتلاقى رموشك مذهله وكثيفه وطويله .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 حلول لتخفيف الام الثديين خلال الرضاعه

10 حلول لتخفيف الام الثديين خلال الرضاعه من أهم التوصيات اللي بتتقدم للأم الحامل فى …