الطريقه الصحيحه للكمادات لخفض درجة الحراره

الطريقه الصحيحه للكمادات لخفض درجة الحراره

ارتفاع درجة الحراره بيسبب توتر وقلق وعلى طول نستخدم خوافض الحراره .. ايه هيا الاسعافات الأوليه اللى لازم نعملها لو ارتفعت درجة الحراره ؟

1. متعتمدش على الجس بالأيد واستخدم مقياس الحراره عشان تحدد لو كان فى ارتفاع أكتر من 37 ونص ولا لأ ولو كانت أعلى من الدرجه دى نبدأ فى اتخاذ اجراءات خفضها .

2. أفضل طرق القياس تحت الأبط ومتستخدمش الفم خصوصا بعد تناول المشروبات السخنه .

3. استخدام المقياس الديجيتال ومش الزنبقى لأنه لو اتعرض للكسر ممكن يسبب تسمم أو التهابات جلديه شديده .

4. لو كان الطقس برد جدا أو شديد السخونه ينصح بقياس الحراره من فتحة الشرج لكن ميكنش بعد التبرز .

5. استخدام كمادات الخل والميه أو الكحول والميه لانها بتساعد على خفض الحراره بسرعه .

6. لو كانت الحراره أكتر من 39 درجه يبقى منستخدمش الخافض ونخفضها عن طريق استخدامك دش ميه فاتره أو كمادات ميه فاتره الأول وبعد كده الخافض لأن الخوافض مش بتجيب نتيجه فى درجات الحراره الشديده .

7. اهتم بقراءة الماده الفعاله فاستخدام الباراسيتامول امن ومادة البروفين امنه برضه ، ونتجنب تكرار استخدام اللبوس اللى بيحتوى على مادة ديكلوفيناك زى دولفين مثلا لأن الماده الفعاله فيه غير صحيه للطفل .

8. ابعد تماما عن كمادات الثلج لأنه بيمنع وصول الدم للمنطقه اللى بتحط فوقها الكمادات .

9. اتجنب استخدام حقن الكورتيزون لأنها بتسبب مضاعفات منها الحمى الشوكيه .

10 .متسبش حرارة الجسم ترتفع فلو وصلت الـ 42 درجه ممكن تسبب الوفاه ولو وصلت 39 درجه ممكن تسبب تشنج حرارى .

11. الاكثار من شرب الميه والسوايل .

12. الأماكن الصحيحه لوضع الكمادات ، عند الرقبه من الجنبين ، تحت الابط ، بين الفخدين ،الجبين أوالرأس بس مش مؤثره أوى .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …