الاقلاع عن التدخين فى رمضان

الاقلاع عن التدخين فى رمضان

ازاى تخلى رمضان فرصتك عشان تبعد عن التدخين ، دى طرق هتساعدك على الاقلاع عن التدخين فى رمضان :

_ لما تبدأ المشاعر الملحه اللى بتدفعك للتدخين ، على طول أعمل فعل بدنى اللى ممكن يخلى مسك السيجاره صعب فى لحظتها زى مثلا تاخد دش ميه ، ممارسة أى نوع رياضه انت بتحبه ، غسل العربيه أو تتصل بشخص عزيز عليك .

_ حاول تكون السجاير مش موجوده حواليك وتاخد قرار بالتوقف عن التدخين وتتخلص من كل علب السجاير الموجوده فى البيت والعربيه أو اللى فى درج مكتبك .

_ اتوقع مرورك بلحظات ضعف ، خليك حذر وحاول تبعد عن أى بيئه ممكن توصلك لده زى مثلا الصحاب المدخنين ، على الأقل مؤقتا ولحد ماتتخلص من ادمانك ! شهر رمضان هيكون فرصه رائعه لتغيير عاداتك وطريقة تفكيرك وروتينك اللى انت متعود عليه .

_ ممكن تكون فترة بعد الفطار هى الفتره الأكتر ضعف للرجوع للسجاير ، لكن حاول تجنيب نفسك عن طريق تجنب أى مشروبات أو أكل بترتبط مع عادة التدخين زى مثلا شرب القهوه.

_ حط خطط لعادات صحيه تقدر تعملها بعد الفطار زى ممارسة الرياضه وانك تروح للصلاه فى المسجد وتتمشى مع العيله .

_ حدد الأهداف اللى بتدفعك لترك التدخين قدام عينيك وفى مكان قريب وحاول مراجعتها دايما واضافة دوافع أكتر زى مثلا الحفاظ على صحة العيله ، وانك عايز تخلى حياتك صحيه وافضل ، وتكون قدوه رائعه لأولادك .. ألخ .

_ تجنب كل أنواع تدخين التبغ بما فيها الشيشه أو السجاير اللى بتحتوى على نسبه أقل من النيكوتين أو القطران ، هي فى النهايه بيكون ليها نفس الاضرار على صحتك وكمان مش هتساعدك جديا فى الاقلاع عن التدخين وبسرعه هتخليك ترجع للى كنت عليه قبل كده .

_ متتبعش أسلوب تقليل عدد السجاير اللى بتدخنها يوميا لان دى كمان بسرعه بتخليك ترجع بعد فتره لنفس العدد السابق ومش هتساعدك بشكل جدي ، وخليك على ثقه ان الحل المثالى هو الامتناع خالص عن التدخين .

فى النهايه .. عملية الاقلاع عن التدخين هي عمليه مش سهله ، ومحتاجه اراده وعزيمه وصبر ، وممكن تكون أكبر المشاكل اللى بتواجهك وقت اقلاعك عن التدخين هي المشكله النفسيه والعاطفيه التابعه لأنسحاب الكافيين ، عشان كده الحل هو الصبر وتدى نفسك وقت أكتر وتتحدى نفسك وتتحكم بعواطفك وحياتك وصحتك وخلى كل دقيقه فى رمضان فرصه مثاليه للتغيير .

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أمراض الكلى والصيام فى رمضان

أمراض الكلى والصيام فى رمضان على مريض الكلى في رمضان مراعاة حالته الصحية واستشارة الطبيب …