غير مصنف

فوائد الصيام الصحيه

فوائد الصيام الصحيه

فوائد الصيام لاتعد ولا تحصى ، نفسيا وجسديا واجتماعيا ، والجانب الصحى على رأسها .

فى كل الأحوال لو كان عندك مشاكل صحيه مزمنه يبقى الأحسن استشارة الدكتور بتاعك ناحية امكانية الصيام من الأساس .

فوائد الصيام الصحيه :

1. يعمل على تنقية الجهاز الهضمى وتحديدا المعده والأمعاء لما يزيد عن 15 ساعه ، يعنى الفتره دى قادره على راحة جدار المعده واعادة افراز العصارات الضروريه ومنح الوقت للمعده والأمعاء للتنقيه ذاتيا من غير أى داعى للأدويه اللى بتتاخد لتنضيف البطن .

2. بيريح الصيام مرضى ضغط الدم لأنه بيدى القلب امكانية أفضل للنبض وضخ الدم وكمان بيريح الجسم من الأملاح اللى بتسبب ارتفاع الضغط .

3. الصيام وان كان متعب فى الأيام الأولى لمرضى الصداع النصفى الا أنه بيسبب نتايج كويسه بعد كده لأنه بينقى أجسامهم من سموم كتير والأملاح والمتاعب اللى بتساعد فى زيادة الصداع وشدته .

4. الصيام مثالى لمرضى السكر لو الدكتور مكنش ليه رأى تانى ، لأنه مبيدخلش مواد سكريه ضاره للجسم وبيدى فرصه كويسه للجسم للحرق .

5. بيساعد الصيام على نوم أفضل بسبب خفة الجسم من الأكل عشان كده من الأفضل ناخد قيلوله وقت نهار الصيام للتخفيف من التعب ونقص الطاقه .

6. الصيام مثالى للى عايزين انقاص أوزانهم لأنه بيخليهم ينقطعوا عن الأكل لفتره طويله بشرط انهم مياكلوش أكل مضر بعد الفطار .

7. بيلاحظ مرضى الربو ان فيه تحسن فى حالتهم وقت الصيام وبتخف أعراض النوبات المتلاحقه وكمان بيبقى التنفس بحاله أفضل أوقات ساعات الصيام .

#دكتور_مفيد
#روشتة_دوت_كوم
#الدواء_بقى_أونلاين

اظهر المزيد

heba mohamed

انا هبه ويارب اقدر افيدكوا .. وأكون خفيفه على قلبكوا … ودايما احب اشوف ارائكوا وتعليقاتكوا وتتواصلوا معايا دايما

مقالات ذات صلة

شاهد أيضاً

إغلاق
إغلاق