كمال الأجسام وصيام رمضان

كمال الأجسام وصيام رمضان

هل ياترى ممكن ممارسة رياضة رفع الاثقال وكمال الاجسام والمواظبه على التمارين على أكمل وجه أوقات صيام الشهر الفضيل ؟ وايه هيا القواعد الازمه لده ؟

لو كنت من اللى بيمارسوا رياضة رفع الاثقال وكمال الاجسام بشكل منتظم ، يبقى يهمك جدا انك تعرف ايه المسموح وايه ممنوع ليك وقت صيام شهر رمضان ! وازاى تقدر ترتب وقتك وتمارين تدريبك من غير مايتأثر صيامك أو مستواك فى التمرين ؟ وايه الممنوع أو المسموح تعمله فى الفتره دى ؟

المسموح :
_ اللى بيبنى عضلاته لازم يمارس الرياضه الخاصه بده بعد الفطار ولمدة متتجاوزش الساعه كحد أقصى .
_ تكرار عدد الوجبات بأحجام صغيره مقسمه على الأقل من 3_ 4 وجبات ويفضل بينها مدة ساعتين لـ تلات ساعات مابين فترة الفطار والسحور .
_ حاول تعديل جدول عدد مرات ممارسة التمرين الواحد من جدول 5×5 الى جدول 3×5.
_ وقت ممارسة تمارين الرفعات القويه Strong Lifts استخدم جدول عدد مرات تمرين 5×5 لمدة 3 مرات في الأسبوع.
_ الحفاظ على وجبات متوازنة شاملة لكافة العناصر الغذائية اللازمة وبالذات البروتين.
_ ممكن ناخد بروتين الكايسين كمكمل غذائى فى فترة الفطار .
_ مارس بس رياضة رفع الاثقال فى فترة رمضان وأبعد عن أنواع رياضات تانيه مرهقه .
_ ركز على تعويض كل العناصر الغذائيه فى فترة الفطار وخصوصا البروتينات والفيتامينات .
_ ركز فى السحور على مصادر البروتين قليلة الدهون وعلى الكربوهيدرات المعقده .
_ ركز على شرب السوايل واللى ميقلش عن 2 _ 3 لتر يوميا .
_ ركز على شرب السوايل بشكل خاص بعد ماتخلص التمرين .
_ ركز على ممارسة تمارين القرفصاء والضغط فى رمضان .
_ ممكن تشرب مشروبات الرياضيين المفيده واللى بتساعد على تعويض الكربوهيدرات والاملاح والسوايل المفقوده فى فترة التمرين الطويل .

الممنوع :
_ ركز ان متكنش تمارينك على معده مليانه ولازم يكون فى فتره مابين الفطار الدسم وممارسة الرياضه متقلش عن ساعتين .
_ ممارسة رياضة رفع الاثقال أو أى نوع تانى من الرياضه اللى بتحتاج مجهود بدنى عالى وخصوصا فى فترة الصيام .
_ الاقتصار .. على تناول وجبتين دسمات بس فى فترة الفطار .
_ التركيز على عنصر غذائى من غير التانى زى البروتين .
_ ممارسة الرياضه فى نص ساعات الصيام بالنهار وفى الحر .
_ عدم تناول السحور .
_ عدم تناول وجبة فطار متوازنه متكاملة العناصر .
_ التركيز على نوع من الغذاء من غير التانى زى التركيز على البروتينات من غير الكربوهيدرات .
_ تناول الاغذيه السريعه والدسمه .
_ تناول وجبه عالية البروتين قبل التمرين بفترة قصيره .
_ تناول مشروبات الطاقه والمشروبات الغازيه والعاليه بالكافيين .
_ غرف البخار والسونا أو أى نشاط تانى ممكن يسبب خسارة جسمك للسوايل عن طريق التعرق .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

معلومات عن تفاحة آدم

معلومات عن تفاحة آدم تفاحة آدم، أو زى مابيسميها بعض الناس جوزة الحلق ، وهي …