5 عصائر مهمه على مائدة الافطار فى رمضان

5 عصائر مهمه على مائدة الافطار فى رمضان

العصاير تعتبر وسيلة روعه للفطار عليها فى شهر رمضان لانها بتمد الجسم بالكتير من العناصر الغذائيه ومضادات الأكسده والألياف وكمان ترطيب الجسم .

ودول أحسن 5 عصاير صحيه لازم تكون موجوده على سفرة الفطار فى رمضان :

1. عصير الاناناس والكيوي واللمون : العصير ده بيساعد على شعورك بالطاقه والنشاط بعد يوم حر وكمان بيساعد فى حصول الجسم على الفيتامينات والمواد الغذائيه .

2. عصير الفراوله والتفاح والموز : يحتوى على مواد مضاده للأكسده اللى بتمد الجسم بالكتير من العناصر الغذائيه وتعويض الجسم اللى فقده من ميه طول اليوم فى وقت الصيام طول النهار .

3. عصير الفراوله بالموز : بيساعد على تحقيق التوازن بين نسبة السكر فى الدم وحصول الجسم على أوميجا 3 .

4. عصير البطيخ بالنعناع : بيساعد على ترطيب الجسم وامداده بالكتير من العناصر الغذائيه .

5. عصير المانجا بالموز والتوت : بيمد الجسم بالبوتاسيوم والمواد المضاده للأكسده اللى بتساعد على تحسين المزاج والحاله النفسيه .

وتعتبر الفراوله من الفاكهه اللى بتحارب العطش الشديد فى رمضان لأن نسبة الميه فيها حوالى 91% من تكوين الفراوله ، وتعتبر جميع أنواع الفاكهه من فصيلة الفراوله غنيه بالسوايل ، لكن تفضل الفراوله اللذيذه هي الفايزه .

وكمان يعتبر عصير الفراوله من العصاير المنعشه اللى بتمد الجسم بكميه كويسه من السوايل وكمان كميات من السكريات والألياف والبروتين وده بيخليها المرشح الاساسى لعصاير اللى بعد التمارين الرياضيه .

وكمان ممكن أكل الفراوله بكذا شكل للى بيحبوا ياكلوها لوحدها ، ممكن مثلا أكلها مع الزبادى والعصاير والمربى ، وممكن تاكلها طازه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …