اضرار الافراط فى تناول القطايف فى رمضان

اضرار الافراط فى تناول القطايف فى رمضان

فى كتير من المجتمعات العربيه تعتبر القطايف ومشروب العرقسوس من أساسيات شهر رمضان ولازم يكونوا موجودين على الفطار ، واتعرفت القطايف فى العصر الأموي واشتهرت فى العصر العباسي وأتسمت كده لأن ملمسها يشبه ملمس قماش القطيفه وهي غنيه بالنشويات والمكسرات والزبيب وجوز الهند وبترجع للجسم حيويته ونشاطه بعد الصايم لساعات طويله لأنها غنيه بالسعرات الحراريه العاليه .

وبتتكون القطايف من الدقيق والسكر والخميره واللبن والميه .

ووزن القطعه الواحده العاديه قبل الحشوه حوالى 30 جرام ، ووزن الحشوه حوالى 15 جرام وضيف عليهم حوالى 10 جرام سمنه بعد قليها فى الزيت .

وبعد دراسة المكونات دى واللى بيحصلها من تحويلات وقت التسويه والقلى أو الشوي لقوا ان واحدة القطايف المحشيه بالجوز بتزود الجسم بحوالى 330 سعر حرارى أنما المحشيه بالجبنه الحلوه بتزود الجسم بحوالى 280 سعر حرارى .

وبحسبه بسيطه هنلاقى ان اللى بياكل 3 وحدات بس ممكن تزوده حوالى 1000 سعر حرارى وده اللى بيوازى نص الاحتياج اليومى تقريبا للجسم من السعرات الحراريه للقيام بنشاطه العادى ، مع العلم ان احتياج الشخص العادى من السعرات الحراريه فى اليوم عشان يقوم بنشاطه العادى يقدر بوزن الجسم (كغ)X 30 واللى بيزيد عن ده بيحوله الجسم لدهون واللى بيسبب زيادة الوزن والسمنه .
وكتر أكل القطايف فى رمضان بيفسر سبب عدم نزول وزن معظم الصايمين .

والقطايف ممنوعه عن :
مرضى السكر .
اللى اوزانهم مفرطه وعندهم سمنه .
اللى بيشتكوا من اضطرابات وعسر هضم وامساك وحموضه .
اللى بيشتكوا من كسل فى المراره .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

اسئله واجوبه حول غسول الفم

اسئله واجوبه حول غسول الفم كتير مننا مش عارفين أهمية استخدام غسول الفم وبتراودهم الشكوك …