للحامل احترسي من حلويات العيد

للحامل احترسي من حلويات العيد

هل عيلنا عيد الفطر المبارك ، وطبعا العيد يعنى الكعك والبسكويت والبيتى فور االلذيذ والحلويات والسكريات وكل ما لذ وطاب .

وعادة شهية الحامل بتكون مفتوحه فى فترة الحمل بسبب تغير الهرمونات وخصوصا ناحية الحلويات والسكريات عشان كده متخليش شهيتك تتحكم فيكى فالاكثار من تناول الحلويات والسكريات خطر على صحتك وحصة جنينك .

ليه لازم تاكلى حلويات العيد بحرص ؟

1. تناول واحده او اتنين من الكعك والبسكويت او البيتى فور كل يوم هو مقدار كافى جدا للحامل ومبنصحش بالاكثار من تناول الحلويات والسكريات والاطعمه المحلاه بالعسل او الشوكولاته فى فترة الحمل عشان ميأثرش على صحتك بالسلب .

2. الاكثار من اكل حلويات العيد ممكن يسببلك السمنه فترة الحمل ويعرضك لزيادة الوزن المفرط اللى هيسبب حدوث سكر الحمل او تسمم الحمل لاقدر الله ، وفى افضل الاحوال هيزود وزنك ومش هتعرفى تتخلصى منه بسهوله بعد الولاده .

3. وكمان بيسببلك تناول السكريات بكثره التعرض للحموضه والارق والنشاط المفرط للجنين والعطش الشديد .

4. تقدرى تاكلى كميه معتدله من الحلويات اللى مفيهاش كميات عاليه من السعرات الحراريه وممكن تعتمدى على منتجات الالبان خاليه من الدسم المضاف ليها الفاكهه واعتمدى على سكر الدايت مع اختيار انواع خاليه من الاسبرتام وبدلى حلويات العيد الدسمه بالفاكهه الطبيعيه .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

10 حلول لتخفيف الام الثديين خلال الرضاعه

10 حلول لتخفيف الام الثديين خلال الرضاعه من أهم التوصيات اللي بتتقدم للأم الحامل فى …