تأخر الكلام عند الطفل

تأخر الكلام عند الطفل 

تأخر الكلام عند الطفل بيقلق امهات كتير وخصوصا ان الموضوع ده بقى منتشر بسبب اننا بنسيب الاطفال قدام التلفزيون اوقات كتيره وغيرها من الاسباب .

لكن امتى تعرفى ان طفلك متأخر فى الكلام ؟ هقدملك النهارده طريقه تعرفى بيها طفلك متأخر فى الكلام ولا لأ .

جدول مراحل النطق :

من 3 شهور وحتى 6 شهور

يبدأ الطفل بالمناغاة

من 8 أشهر وحتى العام

تطول المناغاة مع استخدام الطفل المناغاة الملحنة

من عمر عام إلى عامين

ينطق أول كلماته زى بابا أو ماما، مع قدرته على تكرار الكلمات، وتزداد الحصيلة اللغوية بالتدريج لحد ماتوصل في نهاية العام الثاني إلى 200-400 كلمة

من عمر سنتين إلى 3 سنوات

يبدأ بتكوين جمل من كلمتين أو أكتر، وتصل الحصيلة اللغوية في نهاية العام الثالث ما بين 900 إلى 1000 كلمة

من عمر 3 إلى 4 سنوات

مرحلة الأسئلة الكتيرة، ففيها يستخدم الطفل كلمات الاندهاش والتعجب، وتصل الحصيلة اللغوية إلى 1500 كلمة

الجدول ده تقدرى تستخدميه كدليل لمعرفة مدى تقدم أو تأخر طفلك فى الكلام ولو كان متأخر يبقى لازم تستشيرى دكتور تخاطب لمساعدته .

أسباب التأخر فى الكلام :

الباحثين شايفين ان 70% من حالات التأخر فى النطق سببها الاصابه الدماغيه وليها نوعين : نوع ليه علاقه بمعدلات الذكاء والقصور الفكرى ، والنوع التانى ليه علاقه باصابة الجهاز العصبى للطفل .

بعدها حالات ضعف السمع اللى تقدر الأم تكتشفها بدرى لأن الطفل بيسمع من ساعة لما كان جنين وبيخاف بعد ولادته من الاصوات المرتفعه وبيحرك ايديه ورجليه مع بعض .

وتقدرى كمان للأطمئنان أكتر انك تعملى للطفل الرضيع اختبار سمع عشان تتأكدى من سلامة حاسة السمع عنده .

ومن الاسباب كمان انك تسيبى الاطفال قدرام التليفزيون وانهم يستخدموا اجهزة التكنولوجيا لساعات طويله وكمان عدم اختلاط الطفل باطفال تانيين فى نفس سنه .

هنا الطفل بيكون محتاج تبعديه عن التليفزيون واجهزة التابلت ودمجه مع زمايله زى نزوله للحضانه وممارسة الأم العاب مع طفلها زى المكعبات ولعبة الكراسى الموسيقيه ولعبة تقليد الاصوات والكلمات .

عادة بيستمر تأخر الكلام اللى بيحصل بسبب عدم الاختلاط لحد 4 سنين .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. انتى لسه شوفتى حاجه ؟

حواديت ماما .. انتى لسه شوفتى حاجه ؟ محاولات تصدير الطاقة السلبية واحدة من أغرب …