تقليل فرص الاصابه بالسرطان

تقليل فرص الاصابه بالسرطان

ازاى نقلل فرص الاصابه بالسرطان ؟؟

اولا ارشادات عامه :
_ نوقف التدخين خالص ونحاول نقلل على قد مانقدر من التعرض السلبى لدخان السجاير .
_ نبعد عن اى أدويه مش ضروريه او اننا ناخدها من غير استشارة الطبيب المختص .
_ امشى على نظام غذائى يكون معتمد على الالياف الخضرا والفواكه وقلل من الدهون واللحمه الحمرا على قد ماتقدر .
_ اتجنب السمنه والتخن خالص .
_ ابعد خالص عن الخمور والكحوليات .

ثانيا ارشادات خاصه بالمرأه :
_ فى حالة الاستخدام الطبى لهرمون الاستروجين بننصح بتقليل الجرعه للحد الأدنى وخصوصا فى حالة اصابة حد من قرايب الدرجه الأولى بالسرطان .
_ بننصح كمان بالفحص المنتظم لعنق الرحم من أول سن الـ 30 بمعدل مره كل 3 سنين .
_ بننصح كمان بالفحص المنتظم للثدى وخصوصا لو توافر أحد عوامل الخطر .

استشير الطبيب المختص عند ظهور الاعراض دى :
الاعراض العامه :
_ حدوث نزيف من اى فتحة من الفتحات الطبيعه للجسم وخصوصا لو مفيش اشتباه فى سبب طبى واضح .
_ فقد الوزن بشكل ملحوظ ومن غير سبب مرضى محدد .
_ تغيير مفاجئ ودائم فى عادات التبول والتبرز .
_ وجود ألم مستمر فى جزء معين بالجسم من غير سبب ظاهر ومن غير مايستجيب للمسكنات .

ومن الاعراض الخاصه بالمرأه :
_ وجود كتله صلبه غير طبيعيه فى منطقة الثدى .
_ زياده فى دم الطمث بشكل ملحوظ او فى مواعيد مش معتاده .

وفى الختام ..
نتمنى لكم جميعا دوام الصحه والعافيه .. وحسن التمتع والانتفاع بالكنز ده ( الجسم البشرى ) على حاله زى ماهو من غير ضياع أو خساره .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …