علبة سجائر يوميا كفيله بالقضاء على الرئه

علبة سجائر يوميا كفيله بالقضاء على الرئه

أظهرت دراسه امريكيه حديثه ان تدخين علبة سجاير يوميا ممكن انه يعمل 150 تغيير مدمر لخلايا الرئه الخاصه بالمدخن كل سنه .

وان التغييرات اللى بتحصل فى الحامض النووي للخليه بتسبب السرطان وهوه ده اللى بيفسر اسباب تعرض المدخنين بشكل كبير لخطر الاصابه بسرطان الرئه .. ده غير كمان اكتشاف مجموعه كامله من التغيرات اللى بيسببها تدخين التبغ فى عدة اعضاء بالجسم ومش الرئه وبس .

وبالرغم ان الرئه هي العضو الرئيسى اللى بيحصل فيه التغييرات السلبيه دى فان المثانه والكبد والحلق بيعانوا برضه من اضرار مرتبطه بالتدخين وده اللى بيفسر اصابة المدخن بأنواع تانيه من السرطان .

وحلل فريق البحث اكتر من 5000 ورم سرطانى وقارنوا بين اورام المدخنين وغير المدخنين ولقوا تغييرات مدمره فى الحامض النووي لخلايا المدخنين .

فى المتوسط ممكن يسبب تدخين علبة سجاير يوميا حدوث 150 تغيير فى كل خليه من خلايا الرئه كل سنه ، وحوالى 97 تغيير فى كل خليه بالحنجره و39 تغيير بالنسبه للحلق و23 للفم و18 للمثانه و6 تغييرات فى كل خليه من خلايا الكبد سنويا .

وقالوا الباحثين ان كل تغيير هو نقطة بداية محتمله لسلسله من الاضرار الجينيه اللى ممكن انها تقود فى المستقبل للاصابه بالسرطان .

#دكتور_مفيد
#روشتة_دوت_كوم
#الدواء_بقى_أونلاين

 

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …