5 علامات مؤشر للاصابه بمرض الكلى

5 علامات مؤشر للاصابه بمرض الكلى

الكلى هي واحدة من أهم أجهزة الجسم، فهي مسؤولة عن إزالة السموم في الدم، وكمان مسؤوله عن التحكم فى حجم السوايل فى الجسم وعن ترتيب كمية العناصر الكهربيه زى الايونات والاملاح .
وحدوث خلل فى وظايف الكلى مش بيسبب امراض فى الجسم وبس انما بيخلى الصحه فى مرحلة الخطر .
ويعتبر “الكادميوم”، واحد من المعادن التقيلة و الملوثات الهوائية الأكتر ضرراً علي الكلي، و يصدر المعدن ده من خلال حرق النفايات البلدية والزيوت، وممكن أستنشاقة من الهوا أو عن طريق الأطعمة اللي بتحتوي علي الأسمدة الفوسفاتية، واللى بيشكل خطر كبير علي الصحة.

فى علامات مبكره لتلف الكلى وتشمل :

اولا : اضطرابات البول :
تغير لون البول من العلامات الاولى لمرض الكلى فلو اتحول بول شخص الى رغوي او لون شاحب او الحاجه المتكرره للتبول وقت النوم او دخول الحمام اكتر من المعتاد او صعوبه فى البول ، فده معناه ان الشخص عنده مشكله فى الكلى .

ثانيا : التعب :
بتفرز الكلى هرمون ” إرثروبويتين”، وهو الهرمون اللى بيحفز تكوين خلايا الدم الحمرا فلو حصل خلل فى افراز الهرمون ده من المرجح انك تحس بالتعب المزمن ونقص الاكسجين فى الخلايا والاصابه بفقر الدم بسبب انخفاض عدد خلايا الدم الحمرا .

ثالثا : التورم :
لو متمش التخلص من السوايل والسموم بشكل صحيح عن طريق الكلى فانها بتتراكم فى الجسم وبتسبب تورم فى الرجلين والدراعين والوجه والساقين والكاحلين .

رابعا : الام اسفل الضهر :
الام اسفل الضهر اللى بتكون فى جانب واحد وبعد كده بتتنقل للجانب التانى ، علامه كمان من اعراض الفشل الكلوى .

خامسا : جفاف الجلد والحكه :
بيسبب حدوث الخلل فى وظايف الكلى وتراكم السموم فى الجسم لجفاف الجلد والحكه المستمره والطفح الجلدى .
وفى اوقات كتير بيخطئ بعض الاشخاص فى تشخيص الاعراض دى على انها امراض جلديه عشان كده مهم زيارة الدكتور لو كان الطفح الجلدى او الحكه مش بيقل باستخدام المراهم والكريمات .

تقدر تحافظ على وظيفة الكلى عن طريق اتباع بعض الاساليب زى تقليل السجاير لو كنت بتدخن وتقليل الكحول واتباع نظام غذائى صحي ومتوازن .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 انواع للصداع وطرق علاجها

4 انواع للصداع وطرق علاجها مهم انك تعرف نوع الصداع اللى بيصيبك عشان تقدر تتعامل …