ازالة الرؤوس السوداء ب6 طرق فعاله

ازالة الرؤوس السوداء ب6 طرق فعاله

لو كنت بتعانى من الرؤوس السودا اتعرف على الطرق التاليه الفعاله فى ازالتها .

صودا الخبز :
قلب معلقتين صغيرين من صودا الخبز مع ميه معدنيه لحد مايكون المزيج متماسك وحط منه على المنطقه اللى بتعانى منها من الرؤوس السودا ودلكها براحه وسيبه ينشف وبعد كده اشطفه بالميه الدافيه وكرر الخطوات دى مره او اتنين فى الاسبوع .

الشاى الاخضر :
قلب معلقه واحده صغيره من اوراق الشاى الاخضر المجففه مع شوية ميه صغيره لحد مايكون المزيج متماسك القوام زى المعجون وحط منه على المنطقه اللى ظاهر فيها الرؤوس السودا براحه وسيبه لمدة 3 دقايق وبعد كده اغسله بالميه الفاتره .

الحلبه :
اصنع معجون وقلب اوراق الحلبه الطازه وشوية ميه وبعدين حطه على المنطقه اللى بتعانى من الرؤوس السودا وسيبه لحد ماينشف لمدة 10 دقايق وبعد كده اغسل المعجون بالميه الفاتره وممكن تعمل الوصفه دى بشكل يومى .

الشوفان :
قلب معلقه صغيره عسل مع 4 حبات طماطم وكميه حلوه كده من الشوفان لحد مايكون معجون متماسك وحط المعجون على بشرتك وسيبه 10 دقايق وبعد كده اشطفه .

القرفه :
قلب معلقه صغيره من بودرة القرفه مع عصير الليمون الطازه وممكن كمان تضيف شوية كركم صغيرين وافرد الخليط على وشك وسيبه لمدة 15 دقيقه وبعد كده اشطفه .

الكركم :
قلب شويه من الكركم مع معلقتين صغيرين خلاصة النعناع وحطه على المنطقه اللى بتظهر فيها الرؤوس السودا وسيبه ينشف وبعد كده اغسله بالميه الفاتره .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …