اسباب واعراض لين العظام عند الاطفال

اسباب واعراض لين العظام عند الاطفال

من الأمراض الشائعة بين الأطفال والرضع مرض لين العظام وبيحصل نتيجة خلل او مشكلة في العظام نتيجة خلل في ترسيب المعادن الهامة للعظام زى الكالسيوم والفسفور خلال فترة نمو الطفل واللى بيسبب حدوث ضعف في العظام وعدم نموها بشكل صحيح .

وبتكون اسبابه :

– اهم اسبابه هو نقص فيتامين د في جسم الطفل , فهو من اهم وظائفه الاساسية زيادة مستويات الكالسيوم والفسفور في الدم، لانه بيمتص أملاحها من الأمعاء واللى بيساهم في نقلها لبناء العظام .

– قلة تعرض الطفل لاشعة الشمس .

– سوء التغذية وعدم الاهتمام بتناول العناصر الغذائية المفيدة لصحة الجسم والعظام بشكل خاص .

– خلل في وظائف الكلي او الكبد واللى بتسبب مشاكل في دفع فيتامين د او عدم تصنيعه .

ومن اهم اعراضه :

– كسل وقلة حركة الطفل .

– ضعف وليونة عضلات الجسم وأربطة المفاصل اللى بيسبب تعرض الطفل لكسور متكررة.

– تأخر ظهور الأسنان .

– تقوس واعوجاج الساقين في منطقة الركبة إما للداخل أو الخارج .

– ظهور تشوّهات في العمود الفقري أو القفص الصدري.

– حدوث ضعف عام في جسم الطفل، يؤدي لتأخر الطفل في الزحف والوقوف والمشي والكلام .

لو لاحظت اي عرض من الاعراض دي علي طفلك لازم تعرضه علي طبيب الاطفال لعمل الفحوصات والتحاليل اللازمة لمنع حدوث اي مضاعفات , ولنمو طفلك وعظامه نمو طبيعي وسليم 💪.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

حواديت ماما .. انتى لسه شوفتى حاجه ؟

حواديت ماما .. انتى لسه شوفتى حاجه ؟ محاولات تصدير الطاقة السلبية واحدة من أغرب …