فوائد البطاطس الصحيه

فوائد البطاطس الصحيه

تعرف ان البطاطس ليها دور فى تقليل خطر الاصابه بأمراض القلب !

البطاطس هي واحده من أشهر النباتات الجذريه المتوفره على مدار العام وتعتبر البطاطس من أشهر أنواع الاكل واللى ضمن مجموعة النشويات وده اللى بيخلى ناس كتير تعتقد ان البطاطس مش اكتر من كربوهيدرات والنشا ويغفلوا عن حقيقة احتوائها وغناها بعناصر كتير غذائيه ضروريه لصحة ومناعة الجسم واهمها :

الفيتامينات والمعادن
مضادات الاكسدة وخاصة البيتاكاروتين والفلافونويد
تعد مصدرا جيد جداً للالياف الغذائية
عنصر البوتاسيوم
النحاس
المنجنيز
الفوسفور
النياسين
فيتامين C
فيتامين B6
حمض البانتوثنيك.

فوائد البطاطس :

1. تمد الجسم بالطاقه :
البطاطس بصفتها مصدر غنى للكربوهيدرات فهي بتمد الجسم بالطاقه وعشان كده بتكون أحسن فى فصل الشتا لانها وجبه دافيه وغنيه ، وحباية البطاطس متوسطة الحجم تعتبر حصه من حصص الكربوهيدرات وبتكون حوالى 80 سعر حرارى و15 جرام كربوهيدرات .

2. السيطره على ضغط الدم :
تحتوى البطاطس على بعض المركبات الكيميائيه “kukoamines” واللى بتساعد على ضبط معدل ضغط الدم والسيطره عليه .

3. تساهم فى عمل أجهزة الجسم بشكل سليم :
غناها بفيتامين B6 بيخلى ليها فايده عظيمه لعمل العديد من اجهزة الجسم والتفاعلات الضروريه لان الفيتامين ده بيدخل فى تصنيع العوامل المساعده للأنزيمات والضروريه لعمليات الأيض المختلفه سواء للبروتينات او للكربوهيدرات او حتى الدهنيات .

4. تحافظ على الجلد :
فيتامين B6 ضروري لانتاج الهيموغلوبين، للمحافظة على سلامة الجلد ولتنظيم اداء الجهاز العصبي.

5. تقليل خطر الاصابه بأمراض القلب :
بيساعد فيتامين B6 على تقليل مستويات هوموسيستايين،واللى بيكون ليه دور فى تقليل خطر الاصابه بأمراض القلب وكمان بيدخل الفيتامين ده فى تكوين خلايا الدم الحمرا .
وبيأثر على القدرات الذهنيه والوظيفه المناعيه وسلامة الجهاز العصبى وكل 100 جم من البطاطس المشويه فيها تقريبا 21% من الاحتياج اليومى الموصى بيه من الفيتامين ده .

6. تعزيز مناعة الجسم :
بما ان البطاطس بتحتوى على الفلافونويد ومضادات الأكسدة القوية واللى بتشمل فيتامين C وبيتاكروتين، بيزيد من فوايدها بحيث تعزز مناعة الجسم وبتهاجم الجذور الحره فى الجسم .
حبة بطاطس متوسطة الحجم مع قشرتها بتحتوى تقريبا 27 ملجم من فيتامين C يعنى حوالى نص الكميه الموصى بيها يوميا .

7. تعزيز صحة القلب والشرايين :
ومن فوايد البطاطس كمان انها بتساعد على تعزيز صحة القلب والشرايين وتقليل فرص الاصابه بالجلطات والسكتات القلبيه والدماغيه لانها ليها دور كبير فى خفض مستويات الكولسترول السيئ LDL وكمان باحتوائها على نسب عاليه من مضادات الاكسده والالياف الغذائيه .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

رائحة حديثى الولاده

رائحة حديثى الولاده الأطفال حديثى الولاده يفرز جسمهم رائحة مميزه تجذب البشر وخصوصا النساء . …