10 حلول لتخفيف الام الثديين خلال الرضاعه

10 حلول لتخفيف الام الثديين خلال الرضاعه

من أهم التوصيات اللي بتتقدم للأم الحامل فى فترة حملها هي العناية بالثديين والحرص على ترطيبهما دايمًا، وخاصة مع بداية الثلث الأخير من رحلة الحمل، عشان تتجنب الكتير من المشكلات اللي ممكن تواجهها بعد الولادة وخلال بدايات فترة الرضاعة، اللي غالبًا ما يكون أساسها عدم الترطيب الدائم للثديين وعدم تهيئتهما للرضاعة.

لكن، هل هناك شروط لضمان أن تستمتع الأم مع طفلها بالراحة والعلاقة الدافئة خلال الرضاعة؟ وهل هناك حلول لعلاج مثل هذه المشكلات؟ ده اللى هنعرفه النهارده.

الحلول اللي ممكن للأم اتباعها للتخفيف من آلام الثديين خلال الرضاعة:

1. تكرار عملية الرضاعة باستمرار، مع الحرص على انها متزدتش فترة الرضاعة من كل ثدي على 10 دقايق، لتجنب زيادة التهاب الحلمات.

2. معرفة الوضع الصحيح للرضاعة وطريقة تقديم الثدي للطفل.

3. الاستحمام بالميه الدافية أو وضع فوطة دافية على الثدي، ده بيعمل بشكل كبير على التخفيف من الآلام، كمان بيخلى الأم تحس بالراحة والهدوء.

4. الضغط على الثدي شويه لإخراج بعض الحليب قبل الرضاعه مباشرة، بيساعد على ترطيب الحلمة وتخفيف نسبة التشققات فيها، وممكن للأم تكرار الإجراء نفسه بمسح بعض قطرات الحليب على الحلمة بعد الانتهاء من الرضاعة.

5. استخدام الثدي الأقل ألمًا في الرضاعة.

6. تعريض الحلمتين للهواء بعد الانتهاء من الرضاعة.

7. الحفاظ على جفاف حلمة الثدي بعد الانتهاء من الرضاعة، والتأكد من عدم احتكاكها بأي مواد مهيجة زى الملابس الخشنة أو منتجات العناية بالجسم.

8. الاهتمام بنظافة الثديين قبل إرضاع الطفل، وتجنب استخدام الصابون في غسلهما والاكتفاء بالميه الدافيه ، لأن الصابون بيزود من تشققات الحلمتين وآلامهما.

9. استخدام بعض أنواع الكريمات، تحت إشراف الطبيب، المُعدة خصوصًا لعلاج التشققات دى، خلال الفترات الفاصلة بين الرضعات.

10. استخدام غطاء الحلمات، وهو دايره بلاستيكية بتمنع الملابس من الاحتكاك المستمر بالحلمات.

فى كتير من النصايح اللي بتتوجه للأم خلال فترة الحمل، اللي لازم عليها تطبيقها وعدم إغفالها أو نسيانها، ومنها الاهتمام بترطيب الثدي والعناية بالحلمة وممارسة التمارين لإعداد الثدي لعملية الرضاعة، فالدقايق القليلة اللي هتعملها الأم في العناية بثديها خلال الحمل، هيجنبها كتير من الأوجاع والمشكلات، اللي ممكن أنها تحصلها بعد الولادة.

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

4 مخاطر لأرتداء الكعب العالى

4 مخاطر لأرتداء الكعب العالى لحسن الحظ ، ان فى حلول طبيعيه لأنواع الألم الناتج …