افضل 5 مشروبات ساخنه لفقدان الوزن

افضل 5 مشروبات ساخنه لفقدان الوزن

فى نصايح جهنميه كتير اللى بنسمعها من قديم الأزل اللى بتتعلق بفقدان الوزن واشهرها على الاطلاق شرب الميه السخنه الصبح بدرى .
ومابين مؤيد ومعارض لنصيحة الميه السخنه وقدرتها على فقدانك الوزن ممكن اننا نستغنى عن الموضوع كله والتعويض عنه بمشروبات تانيه وليها طعم احلى وثبت فاعليتها على المساهمه فى فقدانك الوزن الزايد .

1. القهوه :
بيصنح الخبراء بتناول كوباية قهوه قبل أداء تمارينك الرياضيه لان ده هيساعدك على ممارسة تمارينك بجهد أكبر ولفتره أطول وكمان هتقدر حرق أكتر من السعرات الحراريه . بس خلى بالك لازم تكون القهوه خاليه من السكر ومنتجات الحليب .

الكاموميل (البابونج) :
اشرب كوباية بابونج مغلي كل يوم قبل النوم لانه بيعمل على تعزيز معدلات الجلايسين بالجسم وبكده بيعمل على تهدئة اعصابك وبيساعد على الاسترخاء ومش كده وبس فمشروب البابونج بيعمل على التحكم بمستويات الجلوكوز فى الجسم وبيساعدك على فقدان الوزن .

الشاى الأبيض :
ممكن تكون سمعت كتير عن قدرات الشاى الاخضر الخارقه لكنه مش البطل الوحيد لان فى الشاى الابيض اللى بيتمتع كمان بقدرات ساحره وهتساعدك على فقدان بعض الوزن .ومعروف ان الشاى الابيض بيخفف بطريقه طبيعيه ومش بيخضع لكتير من المعالجه زى الانواع التانيه من الشاى عشان كده هو يعتبر الأفضل لاحتوائه على مضادات الاكسده وبيعزز قدرة جسمك على تفتيت الدهون وبيمنع تكوين خلايا دهنيه جديده وخصوصا منطقة الخصر .

شاي الرويبوس :
أكيد مسمعتوش الاسم ده قبل كده لكن الشاى ده بيجى مخصوص من افريقيا عشان يساعد جميع اعضاء جسمك ده غير فوايده اللى لاحصر لها خاصة مع احتوائه على كتير من العناصر الغذائيه وكمان بيهدى الاعصاب وتقليل هرمونات الضغط اللى بتضاعف شعورك بالجوع وبيأثر على معدل تخزين الدهون والشاى ده هيساعدك كمان على النوم بعمق وكل ده هيساعدك على فقدان الوزن أكيد .

شاي الأولونج :
بيجى الشاى ده من الصين ومعروف باسم التنين الاسود يمكن عشان قدرته على حرق كل اللى بيعترض طريقه وطبعا كمان الدهون المتراكمه فى جسمك لان الشاى ده بيعمل على تعزيز عملية الأيض على مدار ساعتين من لحظة تناوله وكمان زيادة معدل حرق الدهون فى جسمك وسرعته وكمان بيمنع عمل الانزيمات المكونه للدهون فحاول انك تشرب كوبايه منه على الأقل كل يوم .

#دكتور_مفيد
#روشتة_دوت_كوم
#الدواء_بقى_أونلاين

عن heba mohamed

انا هبه ويارب اقدر افيدكوا .. وأكون خفيفه على قلبكوا ... ودايما احب اشوف ارائكوا وتعليقاتكوا وتتواصلوا معايا دايما

شاهد أيضاً

أسباب زيادة الوزن فى رمضان

أسباب زيادة الوزن فى رمضان بعض الناس بيتصابوا بزيادة الوزن فى رمضان بالرغم من فترات …