6 نصائح للحوامل فى فصل الصيف

درجات الحراره المرتفعه بتأثر سلبا على صحة الحامل وجنينها عشان كده اهتميت فى المقاله دى الاقى أهم الخطوات اللى لازم تتبعيها فى الحاله دى عشان تضمنى لنفسك ولادة صحيه ومن غير مشاكل .. تابعى معايا :

1. شرب الميه : اهتمى قبل اى حاجه بشرب كميات كبيره من الميه يوميا لانه هيحميكى من الجفاف وهيدكى كتير من الانتعاش .

2. كلى الأكل المليان بالسوايل : اهتمى كمان ولنفس السبب انك تاكلى الأكل المليان بالسوايل زى مثلا الخس والخيار والطماطم والبطيخ والكنتالوب والفراوله والتفاح والرتقال .

3. قللى من الملح : احمى نفسك من تجمع السوايل فى جسمك وخصوصا فى الرجلين بانك تقللى كميات الملح اللى بتاخديها فى أكلك كل يوم .

4. دايما خليكى فى الاماكن البارده : اهتمى دايما تقعدى فى الاماكن البارده عشان تجنبى نفسك المشاكل اللى هتحصل بسبب الجفاف بسبب الارتفاع المفرط لدرجات الحراره .

5_ البسى الهدوم المناسبه : متنسيش ابدا ان العرق بيسبب تهيج البشره وحساسيتها وعشان كده البسى هدوم مريحه وقطن تحميكى من الحر .

6. اختارى الجزمه المناسبه : زى الهدوم بالظبط بننصحك كمان بضرورة انك تهتمى دايما بانك تلبسى جزم مريحه ومناسبه لوضعك .

#دكتور_مفيد
#روشتة_دوت_كوم
#الدواء_بقى_أونلاين