7 أطعمه لابد تقديمها لطفلك قبل نومه

لو أبنك بينام بصعوبه وبيصحى كذا مره بليل ، لو كنتى عايزه ابنك ينام نوم هادى وعميق ، فى بعض الاطعمه والمشروبات اللى لازم تضيفيها لنظامه الغذائى وتحديدا فى وجبة العشا عشان تساعديه على النوم بسهوله .

1_ الموز :
ابنك لما ياكل موزه أو موزتين فى العشا هيساعده على النوم العميق لان الموز فيه عنصر الماغنسيوم اللى بيساعد على ارخاء العضلات والاسترخاء وبيخليه ينام أسرع وممكن اضافة الموز للبن أو الشوفان لطبق غذائى متكامل الفايده .

2_ أعشاب الباونج أو الكاموميل :
معروفه بالاعشاب المهدئه للأعصاب ومسكنه للألم وبيستخدمها الكبار والصغيرين كمان ، حضرى لابنك كوبايه من أعشاب البابونج أو الكاموميل المحلى بمعلقه صغيره من العسل قبل النوم ، وهينام نوم عميق لحد الصبح .

3_ اللبن الدافى :
كوباية لبن دافى هوه كل اللى محتاجه ابنك بليل عشان ينام بهدوء لان اللبن فيه كالسيوم والتربتوفان اللى بيساعد على الاسترخاء وشعور الطفل بالأمان والسكينه .

4_ عسل النحل :
على عكس المعروف عنه لان عسل النحل بيخلى ابنك ينام نوم هادى ، صحيح ان السكريات بتحفز الدماغ ونشاط الطفل لكن شويه صغيره من الجلوكوز اللى فى عسل النحل الابيض بيساعد على الاسترخاء والنوم بعمق وممكن تضيفه على اللبن أو التوست أو الاعشاب .

5_ الشوفان:
الشوفان فيه عنصر الميلاتونين اللى بيساعد على الاسترخاء والنعاس .

6_ اللوز :
مهدئ وبيرخى العضلات لاحتوائه على التبتوفان والماغنسيوم وشويه صغيره من حبات اللوز المفرومه أو الكامله هتدى أبنك نوم هادى ومريح .

7_ البطاطس المسلوقه :
البطاطس المهروسه من الوجبات اللى بتشبع واللى بننصح بيها لعشا الاطفال لانها بتحتوى على الفيتامينات والمعادن اللى بتساعد على الهضم والاسترخاء ، اهرسى البطاطس مع اللبن الدافى وقدميها لأبنك لوجبه مهدئه ومشبعه قبل النوم .

#دكتور_مفيد
#روشتة_دوت_كوم
#الدواء_بقى_أونلاين